U Minsku źbirajucca źnieści ciapličny kambinat i dvuchpaviarchovyja damy na Parnikovaj. Što płanujecca ŭzamien?
U Minsku ŭ rajonie vulic Makajonka i Parnikovaj płanujecca maštabnaja rekanstrukcyja. Havorka idzie pra terytoryju płoščaj 161 hiektar u Pieršamajskim rajonie, dzie zaraz šmat pramysłovych budynkaŭ i sastarełaha žylla. Ułady chočuć pieraŭtvaryć hety rajon u sučasny žyllovy i hramadski kvartał, piša Realt.by.
Terytoryja, pra jakuju idzie havorka, miažuje z praśpiektam Niezaležnaści, vulicaj Filimonava, Ślapianskaj vodnaj sistemaj, vulicaj Makajonka, dziciačaj čyhunkaj i parkam Čaluskincaŭ.
Pavodle prajekta pieršymi pad znos pojduć vytvorčyja abjekty, u tym liku Minski ciapličny kambinat. Na jaho miescy płanujecca pabudavać šmatpaviarchovyja damy, škołu i dziciačy sad.
Taksama budzie zabudavanaja terytoryja, dzie raniej raźmiaščalisia pradpryjemstvy «Biełaruśfilma» i Ministerstva kultury — tam źjaviacca 16-paviarchovyja damy i škoła na 700 vučniaŭ. Dla zručnaści žycharoŭ buduć pabudavanyja parkinhi z ubudavanymi pamiaškańniami.
Adnak prajekt zakranie i niekatoryja žyłyja damy — dva dvuchpaviarchovyja damy 1950-ch hadoŭ na vulicy Parnikovaj płanujuć źnieści. Žycharam hetych damoŭ daviadziecca pierajazdžać.
U toj ža čas histaryčnyja budynki — kinastudyja «Biełaruśfilm», absiervatoryja i vakzał stancyi «Zasłonava» — zastanucca niekranutymi.
Uvieś prajekt płanujecca realizavać u dva etapy da 2030 hoda. Na pieršym etapie źbirajucca pabudavać 240 tysiač kvadratnych mietraŭ žylla, źnieści 800 kvadratnych mietraŭ staroha, abnavić vulicy Makajonka i Parnikovuju, a taksama prakłaści novuju vulicu.
Hramadskaje abmierkavańnie prajekta projdzie z 8 pa 22 žniŭnia. Prapanovy i zaŭvahi možna padavać u administracyju Pieršamajskaha rajona, u tym liku pa elektronnaj pošcie. Padsumavańnie budzie zroblena paśla razhladu ŭsich zaŭvah na pasiedžańni architekturna-hradbudaŭničaj rady.
Žychary pryvatnaha doma ŭ Minsku niezadavolenyja budaŭnictvam ŽK «Utulny». «Minskbud» prakamientavaŭ
Najlepšy siarod padobnych. Dzie možna znajści kopii Minskaha płanietaryja
U elitnym kvartale ŭ centry Minska prapanavali jašče partyju kvater. Cana kvadrata ŭražvaje
«Kazachstanski kvartał» i novabudoŭli ŭ Čyžoŭcy, Masiukoŭščynie, Łošycy. Jak budzie zabudoŭvacca Minsk
Pad Minskam skončyli budaŭnictva śmiećciapierapracoŭčaha zavoda
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary