U elitnym kvartale ŭ centry Minska prapanavali jašče partyju kvater. Cana kvadrata ŭražvaje
U rajonie płoščy Pieramohi ŭ Minsku praciahvajecca budaŭnictva žyłoha kompleksu «Depo». Elitnyja mietry ŭ zakrytym ŽK kaštujuć niamała. Niadaŭna zabudoŭščyk prapanavaŭ kvatery ŭ domie, što budujecca, za 6500 dalaraŭ, a siońnia ŭ haziecie «Źviazda» źjaviłasia prajektnaja dekłaracyja na žyllo z canoj užo ŭ 6700 dołaraŭ za kvadratny mietr, piša Realt.by.
Učastak u centry Minska, dzie raniej było tralejbusnaje depo, kampanija «A-100 Deviełapmient» nabyła z aŭkcyjonu ŭ 2017 hodzie. Za ziamlu zabudoŭščyk zapłaciŭ bolš za 8 miljonaŭ dalaraŭ. Amal stolki ž kampanija patraciła na znos starych pabudoŭ i demantaž inžyniernych sietak.
U 2019 hodzie zabudoŭščyk pradstaviŭ prajekt žyłoha kompleksu, jaki raspracavaŭ viadomy rasijski architektar Siarhiej Skurataŭ, a ŭžo praz hod na miescy byłoha depo zakipieła budoŭla. Siońnia 4 damy ŭ elitnym kompleksie ŭžo zdadzieny, jašče niekalki budynkaŭ znachodziacca ŭ pracesie budaŭnictva.
U apublikavanaj dekłaracyi havorka idzie pra dziaviatuju čarhu budaŭnictva. Zaraz tut uzvodziać dom № 9.2.
Manalitna-karkasny žyły dom pad nazvaj Tatra 2 budzie mieć 6 pavierchaŭ. Na pieršym paviersie raźmieścicca fitnes-prastora, jakaja budzie dastupnaj 24/7 tolki dla žycharoŭ kvartała. Usiaho ŭ domie zaprajektavana 26 kvater. Na vierchnich pavierchach buduć adna– i dvuchuzroŭnievyja pientchausy z maksimalnaj vyšynioj stolaŭ 7,8 mietra.
Zdać žyły dom płanujecca ŭ 2026 hodzie. Zaraz dalevikam prapanujuć 26 kvater płoščaj ad 48 da 146 kvadratnych mietraŭ. Košt adnaho kvadrata składaje 6700 dalaraŭ (pa kursie Nacbanka). Atrymlivajecca, što košt samaj nievialikaj kvatery składzie 321 tysiaču dalaraŭ, a samaj prastornaj — kala 978 tysiač dalaraŭ.
Pavodle damoŭlenaści bakoŭ, dalavik moža atrymać źnižku: jana budzie zaležać ad płoščy kvatery, płaniroŭki, pavierchu, pieršapačatkovaha ŭznosu i hrafika płaciažoŭ.
Uvieś žyły kompleks «Depo» budzie składacca z 21 doma i bolš čym 500 kvater. U kvartale źjavicca piešachodnaja vulica, štučny sažałka, supiermarkiet, kramy, restarany, kaviarni, fitnies-kłub i pryvatny dziciačy sad.
Ciapier čytajuć
Mastakoŭ Rymašeŭskaha i Ščamialovu pratrymali amal hod u SIZA, ale dali taki termin, kab u sudzie adpuścić dadomu2
Kamientary