Tramp zajaviŭ pra prahres padčas sustrečy Uitkafa z Pucinym
Prezident ZŠA Donald Tramp zajaviŭ, što padčas sustrečy jahonaha śpiecpasłańnika Styva Uitkafa z prezidentam Rasii Uładzimiram Pucinym udałosia dasiahnuć značnaha prahresu. Pra heta jon napisaŭ na svajoj staroncy ŭ Truth Social.
Donald Tramp. Fota: AP / Alex Brandon
«Moj śpiecyjalny pasłańnik, Styŭ Uitkaf, tolki što pravioŭ vielmi praduktyŭnuju sustreču z prezidentam Rasii Uładzimiram Pucinym. Dasiahnuty vialiki prahres! Paśla hetaha ja prainfarmavaŭ niekatorych našych jeŭrapiejskich sajuźnikaŭ», — napisaŭ Tramp.
Kiraŭnik Biełaha doma taksama dadaŭ, što «ŭsie zhodnyja z tym, što vajna pavinna zaviaršycca», i padkreśliŭ, što budzie pracavać nad hetym u najbližejšyja dni i tydni.
Pierad hetam žurnalist vydańnia Axios Barak Ravid paviedamlaŭ u sacsietcy X, što Tramp paśla zakančeńnia pieramoŭ Pucina z Uitkafam razmaŭlaŭ praz telefon z prezidentam Ukrainy Uładzimiram Zialenskim.
Čytajcie taksama:
Pucin i Uitkaf zaviaršyli sustreču
Tramp siońnia vystupić z zajavaj
Rasija razhladaje prapanovu ab «pavietranym pieramirji» z Ukrainaj, ale biez spynieńnia vajny
Tramp ličyć, što Pucin nie budzie vajavać, kali cana nafty źmienšycca jašče na 10 dalaraŭ