Rasija razhladaje prapanovu ab «pavietranym pieramirji» z Ukrainaj, ale biez spynieńnia vajny
Kreml razhladaje mahčymaść zrabić sastupku prezidentu ZŠA Donaldu Trampu — u tym liku časovaje pavietranaje pieramirje z Ukrainaj, kab paźbiehnuć druhasnych sankcyj. Havorka idzie pra časovaje prypynieńnie ŭdaraŭ dronami i rakietami, ale nie pra poŭnaje spynieńnie bajavych dziejańniaŭ, daviedaŭsia Bloomberg.
Pres-sakratar Kramla Dźmitryj Piaskoŭ zajaviŭ, što sustrečy z amierykanskim śpiecyjalnym pradstaŭnikom Styvam Uitkafam važnyja, ale admoviŭsia kamientavać mahčymyja prapanovy da sustrečy.
U toj ža čas palitołah Siarhiej Markaŭ, nabližany da Kramla, adznačyŭ, što Trampu patrebien «padarunak» ad Rasii, i časovaje pieramirje ŭ niebie moža być takim žestam.
U toj ža čas Uładzimir Pucin nie hatovy da poŭnaha spynieńnia ahniu, bo jahonyja vojski praciahvajuć nastupleńnie, a mety vajny nie źmianilisia. Taksama niezrazumieła, ci buduć umovy pieramirja prymalnyja dla Ukrainy i jaje sajuźnikaŭ.
Paviedamlajecca, što na fonie pahroz Donalda Trampa ŭvieści novyja mytnyja pošliny suprać krain, jakija zakuplajuć rasijskuju naftu (uklučajučy Indyju i Kitaj), u Kramli šukajuć mahčymaści dla kampramisu, kab nie trapić pad novy vitok ekanamičnaha cisku.
Alaksandr Łukašenka taksama vykazvaŭ ideju pavietranaha pieramirja na sustrečy z Pucinym i raniej, padčas razmovy z pradstaŭnikom Trampa Kitam Kiełaham. Pavodle jaho słoŭ, Rasija nibyta hatovaja da takoha pieramirja, i Kijeŭ musić na toje pahadzicca.
Tramp ličyć, što Pucin nie budzie vajavać, kali cana nafty źmienšycca jašče na 10 dalaraŭ
Zialenski parazmaŭlaŭ praz telefon z Donaldam Trampam
Pucin nie choča złavać Trampa, ale padparadkoŭvacca jaho ultymatumu naŭrad ci budzie
Miadźviedzieŭ prykusiŭ jazyk paśla rašeńnia Trampa adpravić da Rasii jadziernyja padłodki
Tramp pavialičyć pošliny dla Indyi za pieraprodaž rasijskaj nafty
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary
Ja ž kažu, što palitviaźni nie byli hałoŭnaj temaj pieramoŭ z Kiełoham.