Biełaruskaja čyhunka viartaje pasažyrskija ciahniki na raniej zakryty 30-kiłamietrovy ŭčastak

Z 12 pa 29 žniŭnia pa aŭtorkach, sieradach, čaćviarhach, piatnicach i subotach znoŭ budzie chadzić hruzapasažyrski ciahnik № 963/962 pa maršrucie Asipovičy — Hradzianka. Raniej jaho zakryli ŭ mai 2025 hoda paśla 115 hadoŭ pracy, nahadvaje Blizko.by.

Fota: Blizko.by

Asablivaść hetaha maršrutu ŭ tym, što raniej pa hetaj linii kursiravaŭ adziny ŭ krainie ciahnik, jaki adnačasova pieravoziŭ ludziej i tavary (ciepłavoz ciahnuŭ jak pasažyrskija, tak i hruzavyja vahony).

Raniej jon chadziŭ štodnia dvojčy ŭ sutki, ciapier — tolki raz na dzień i piać dzion na tydzień, ale pa tym ža hrafiku ruchu.

Paśla zakryćcia ŭčastka tut zapuskali aŭtobusnyja maršruty, ale mnohija žychary, jaki žyvuć uzdoŭž čyhunki, zastalisia niezadavolenymi spynieńniem čyhunačnych pieravozak.

Ciapier, mahčyma, paśla testavaha pieryjadu ciahniki viernuć u pastajanny raskład.

Kamientary da artykuła