U Biełarusi z 4 pa 17 žniŭnia prachodzić prafiłaktyčnaja pravierka ŭčastkaŭ čyhunki z-za pavieličeńnia vypadkaŭ parušeńnia praviłaŭ biaśpieki, paviedamiła pres-słužba MUS.
Jak paviedamili ŭ MUS, tolki za pieršaje paŭhodździe było zafiksavana 18 parušeńniaŭ, što stvarali pahrozu dla biaśpiečnaha ruchu ciahnikoŭ — naprykład, raźbityja šyby, staronnija pradmiety na rejkach abo paškodžańnie sihnalnaha abstalavańnia. A ŭ lipieni kolkaść takich vypadkaŭ pavialičyłasia jašče na 11.
Najčaściej takija parušeńni ździajśniajuć niepaŭnaletnija, jakija nie ŭśviedamlajuć, što ich «žarty» mohuć pryvieści da trahiedyi.
U adnym ź incydentaŭ mašynist ciahnika Minsk—Hudahaj zaŭvažyŭ kamiani na rejkach i nieadkładna paviedamiŭ pra heta dziažurnamu. Paźniej padobnaja situacyja paŭtaryłasia pierad ciahnikom Minsk—Hrodna: supracoŭniki milicyi znajšli školnikaŭ, jakija raskładvali na puciach ščebień.
Jak adznačyŭ načalnik upraŭleńnia hramadskaj biaśpieki na abjektach transpartu MUS Hienadź Vorsa, letam dzieci časta zastajucca biez nahladu darosłych, što i pryvodzić da padobnych incydentaŭ.
Sačyć za situacyjaj na čyhuncy ciapier buduć supracoŭniki milicyi, čyhunačniki i dobraachvotnyja družyny.
Kamientary