U Biełarusi vyvieli pieršy ŭłasny sort vinahradu dla suchoha vina
Biełaruskija navukoŭcy stvaryli svoj ułasny sort vinahradu, prydatny dla vyrabu suchoha vina. Pra heta raskazaŭ dyrektar Instytuta sadavodstva NAN Biełarusi Alaksandr Taranaŭ u repartažy telekanała «Pieršy infarmacyjny».
Skrynšot ź videa
U repartažy Alaksandr Taranaŭ prademanstravaŭ doślednyja ŭzory vinahradu dla techničnaj pierapracoŭki. Pieršy sort pad pracoŭnaj nazvaj «Łarec», ź jakoha ŭ budučyni mohuć pačać vyrablać biełaruskaje suchoje vino, užo pieradadzieny na dziaržaŭnaje sortavyprabavańnie.
Pa słovach Taranava, novy sort dobra prajaviŭ siabie — paśpiachova pieranios składanyja ŭmovy nadvorja viasnoj 2025 hoda z majskimi zamarazkami, zaśviedčyŭ ustojlivaść da chvarob, a ŭradžajnaść skłała kala 2-3 kiłahramaŭ z kusta ŭ biełaruskich klimatyčnych umovach.
Adnačasova śpiecyjalist adznačyŭ, što, adnak, biełaruski vinahrad nie va ŭsich rehijonach zdoleje demanstravać vysokuju ŭradžajnaść i pramysłovy patencyjał. Najbolš pierśpiektyŭnymi dla vyroščvańnia vinahradu, pa jaho słovach, źjaŭlajucca Bresckaja i Homielskaja vobłaści.
Čytajcie taksama:
U biełaruskija kramy zavieźli jujubu. Što heta takoje?
Navukoŭcy znajšli prosty sposab paspryjać rostu raślin — muzyka, ale nie kožnaja
Pastaŭki pienistych vinaŭ ź Biełarusi ŭ Rasiju vyraśli ŭ 21 raz