U pieršym kvartale 2025 hoda prodažy biełaruskaha pienistaha vina ŭ Rasii pavialičylisia bolš čym u 20 razoŭ. Taki rezki rost źviazany ź nizkaj bazaj i tym, što paśla ŭviadzieńnia zaharadžalnych pošlin na viny z «niedružalubnych krain» rasijskija dystrybutary stali bolš zavozić napoi ŭ tym liku ź Biełarusi.
Pra heta piša «Kommiersant'».
Prodažy ŭ rasijskaj roźnicy ŭviezienaha ź Biełarusi pienistaha vina ŭ pieršym kvartale 2025 hoda pavialičylisia ŭ 21 raz, da 11,8 tysiačy dekalitraŭ, vynikaje z danych ałkaholnaj kampanii Luding Group. Biełaruś upieršyniu ŭvajšła ŭ top-10 krain pa prodažach hetaj pradukcyi ŭ RF. Aktyŭnyja pastaŭki vina ź Biełarusi tudy pačalisia jašče letam 2024 hoda, kali rasijski dystrybutar ałkaholu — «Vintrend Rytejł Hrup» — atrymaŭ dekłaracyju adpaviednaści na impart napojaŭ Minskaha zavoda vinahradnych vinaŭ.
Anamalny rost pastavak biełaruskaha pienistaha vina źviazany ŭ asnoŭnym ź nizkaj bazaj, kaža kiraŭnik WineRetail Alaksandr Staŭcaŭ. Pavodle jaho słoŭ,
vytvorcy zavoziać vinamateryjał ź inšych krain i raźlivajuć u siabie. Bo ŭ Rasiju zavozić tak vinamateryjał nielha.
Plus heta sproba prapanavać niedarahi anałah prasieka, jakoje prykmietna vyrasła ŭ canie paśla ŭviadzieńnia novych pošlin i akcyzaŭ.
Na rasijskim rynku ŭstanoŭlena padvyšanaja staŭka na impart vina ź niedružalubnych krain — 25%, ale nie mienš jak $2 za litr.
Pa danych analitykaŭ Luding Group, u studzieni-sakaviku taksama aktyŭna raśli prodažy pienistaha vina z Čyli — na 158% — i Armienii — na 18%. A ŭ najbolš masavaha impartnaha pienistaha, naadvarot, nazirajecca spad prodažaŭ: u pradukcyi ź Italii — na 30%, z Francyi — na 32%, ź Ispanii — na 37%.
-
«Nad hałavoj lataje pa 20 ton». Brat i siastra ź Biełarusi raskazali, kolki zarablajuć u porcie polskaj Hdyni
-
«Mnohija ludzi stanuć niepatrebnymi». Suzasnavalnik EPAM pra siabroŭstva z Dobkinym, bahaćcie i niaroŭnaść, žyćcio ŭ Łatvii i nastalhiju
-
U lipieni Rasija jašče bolš pavialičyła zakupki paliva ŭ Biełarusi
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary