U Hrodnie napisali partret Karanika. Jaho paviesili ŭ adnoj halerei sa Stałypinym
Partret kiraŭnika Akademii navuk źjaviŭsia ŭ halerei kiraŭnikoŭ Hrodzienskaj vobłaści.
Partret Uładzimira Karanika. Fota: «Puł 4 Rehijon»
U Hrodnie pradstavili partret byłoha kiraŭnika abłvykankama Uładzimira Karanika. Jaho paviesili ŭ halerei partretaŭ kiraŭnikoŭ Hrodzienskaj vobłaści.
Na karcinie Karanik siadzić u kreśle, a pierad im na stoliku staić kubak z hierbam vobłaści. Były ministr achovy zdaroŭja kiravaŭ Hrodzienščynaj amal piać hadoŭ — z žniŭnia 2020-ha pa sakavik 2025-ha. Ciapier Karanik zajmaje pasadu staršyni prezidyuma NAN Biełarusi.
Hrodzienskija čynoŭniki chvalilisia, što ich halereja hubiernataraŭ adzinaja takaja ŭ krainie. Tam sapraŭdy visiać partrety kiraŭnikoŭ Hrodzienščyny ŭžo ŭ pieryjad niezaležnaści, u tym liku Siamiona Domaša, ale i inšych časoŭ.
Fota: «Puł 4 Rehijon»
Naprykład, jość u halerei partret Piatra Stałypina, jaki byŭ Hrodzienskim hubiernataram u 1902-1903 hadach.
Fota: «Puł 4 Rehijon»