Pamior Siamion Domaš — jon musiŭ być adzinym demakratyčnym kandydatam u 2001
9 lutaha pamior eks-kandydat u prezidenty Biełarusi Siamion Domaš.
Siamion Mikałajevič pamior ranicaj za rulom svajoj mašyny ŭ Hrodnie — pa papiarednich dadzienych, u byłoha palityka spyniłasia serca. Hetuju infarmacyju TUT.BY paćvierdziŭ palityk Alaksandr Milinkievič.
Domašu było 69 hadoŭ.
— Prablemy z sercam u jaho byli jašče paśla vybaraŭ 2001 hoda. Tady jon navat rabiŭ apieracyju ŭ polskim Krakavie, ale ŭ apošnija hady, nakolki viedaju, adčuvaŭ siabie niadrenna — zajmaŭsia sportam, vioŭ zdarovy ład žyćcia, — kaža Alaksandr Milinkievič.
Pavodle jaho infarmacyi, raźvitańnie z Domašam projdzie ŭ paniadziełak u Hrodnie.
U svoj čas Siamion Domaš zajmaŭ pasadu staršyni Hrodzienskaha abłvykankama i abłasnoha Savieta deputataŭ, byŭ deputatam Viarchoŭnaha Savieta Biełarusi.
Siamion Domaš ŭdzielničaŭ u prezidenckaj kampanii 2001 hoda i mieŭ šaniec stać adzinym kandydatam ad demakratyčnych siłaŭ. Ale ŭ vyniku zakulisnych intryh pieravaha tady była addadzienaja kiraŭniku FPB Uładzimiru Hančaryku.
Paśla sychodu z palityki Domaš uznačalvaŭ Hrodzienski harbarny zavod. U apošnija hady Domaš pracavaŭ adnym z kiraŭnikoŭ hrodzienskaha pradpryjemstva AVS.
Čytajcie: Siamion Domaš uładkavaŭsia kiraŭnikom na zavod ABC
Viadoma ž, Domaš. Siamien Domaš adkazvaje na pytańni našaniŭcaŭ
Akulary Domaša. Ci moža nizki na vočy čałaviek stać prezidentam u Biełarusi
-
Karpiankoŭ abvinavaciŭ apazicyju ŭ «raskładańni imidžu milicyjaniera jak abaroncy»
-
«Za noč my stracili ŭsio». Trahiedyja źniščyła 17 hadoŭ pracy fiermieraŭ — zhareli karovy ź cialatami
-
Były vajennapałonny Butkievič: Biełaruskija turmy možna paraŭnać ź vielmi žorstkimi ŭmovami ŭtrymańnia ŭkrainskich pałonnych u Rasii
Ciapier čytajuć
Cichanoŭskaja pra muža: Uvieś jahony śviet pierakuleny22
Kamientary