Apublikavali karta-schiemu minułahodnich miescaŭ DTZ z udziełam žyvioł
Śpiecyjalisty RUP «Biełdarcentr» stvaryli kartu-schiemu DTZ z udziełam palaŭničych žyvioł na aŭtadarohach Biełarusi za 2024 hod. Jana ŭžo apublikavanaja na aficyjnym sajcie pradpryjemstva.
Pavodle najaŭnych danych, u 2024 hodzie ŭ vyniku takich avaryj paciarpieli 3835 palaŭničych žyvioł. Čaściej za ŭsio heta kazuli, łasi, dziki, łani i babry. Byŭ zafiksavany i vypadak z udziełam zubra.
Ekśpierty adznačajuć tendencyju rostu kolkaści takich DTZ: u 2023 hodzie ich stała bolš na 353 vypadki (na 11,7 % u paraŭnańni z 2022-m), a ŭ 2024 hodzie — jašče na 395 vypadkaŭ (taksama na 11,7 % u paraŭnańni z 2023-m).
Čytajcie taksama:
Ad sutyknieńniaŭ z łasiami ratuje ultrahukavy śvistok na aŭtamabil
Zaołah staŭ śviedkam hibieli maładoha miadźviedzia na trasie Minsk — Viciebsk
Biełarusaŭ paprasili nie sihnalić, kali pabačyš łasia na darozie