Zaołah staŭ śviedkam hibieli maładoha miadźviedzia na trasie Minsk — Viciebsk
Zaołah učora staŭ śviedkam hibieli maładoha miadźviedzia na trasie M3 Minsk — Viciebsk u Biarezinskim bijaśfiernym zapaviedniku. Jon jechaŭ z chutkaściu 65 km/h, kali jaho abahnaŭ aŭtobus z Sankt-Pieciarburhu, paviedamlaje telehram-kanał «Dzikaja pryroda pobač».
«Aŭtobus jechaŭ kala 75-80 km/h. Jon adjechaŭ ad mianie mietraŭ na sto, i ja hladžu — pasiarod darohi lažyć miadźviedź. — raskazvaje Vital. — Aŭtobus spyniŭsia, vyjšli abodva vadziciela i pasažyry. Heta vielmi ažyŭlenaja trasa, zzadu jechali fury. Ja adciahnuŭ miadźviedzia na abočynu, kab jaho nie davili inšyja mašyny. Potym ja źviazaŭsia z supracoŭnikam Biarezinskaha zapaviednika, vyklikaŭ DAI. Mnie škada i kiroŭcu, i miedźviedziania. Ale nočču, asabliva skroź zapaviednik, treba jechać aściarožniej».
Pa jaho słovach vinavaty kiroŭca aŭtobusa: na hetym učastku trasy staić znak «Pierachod dzikich źviaroŭ na praciahłaści 25 kiłamietraŭ», jaki abaviazvaje jechać cišej i aściarožniej. Za źbituju čyrvanaknižnuju žyviołu pahražaje surjozny štraf.
Napiaredadni ŭ sacsietkach źjavilisia paviedamleńni, što hadavoje miadźviedziania biehaje niedaloka kala vioski Biahoml — usiaho za 15 km ad miesca DTZ. Mahčyma, heta toj samy źvier.
Jak paźbiehčy padobnych situacyj?
- Starajsia praź les jeździć tolki kali śvietła, paźbiahaj jeździć u pryciemkach i nočču.
- U pryciemkach i nočču ŭ lesie nikoli nie hani!
- Uklučaj u lesie dalniaje śviatło zaŭsiody pa mahčymaści, jak tolki napieradzie niama mašyn.
- Budź asabliva ŭvažlivym na darohach praz nacparki, zapaviedniki i zakaźniki.
- Budź aściarožny na lasnych trasach z aharodžaj pa bakach, bo jana nie daje kapytnym pakinuć darohu.
- Nie sihnal i nie mirhaj farami — pavodziny žyvioły mohuć być niepradkazalnyja.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
Škada žyviolinu :(