Łatvija źbirajecca abmiežavać transpartnaje złučeńnie ź Biełaruśsiu
Ministerstva złučeńnia Łatvii padrychtavała prajekt narmatyŭnaha rehulavańnia ab ustalavańni abmiežavańniaŭ na pierasiačeńnie miažy Łatvijskaj Respubliki z Respublikaj Biełaruś i Rasijskaj Fiederacyjaj aŭtobusami, paviedamlaje Delfi.lv.
Punkt propusku ŭ Hryharaŭščynie (Paternijekach). Fota: Pamiežny kamitet
«Ministerstva złučeńnia sumiesna z Aŭtatranspartnaj dyrekcyjaj i ŭ kansultacyi ź Ministerstvam unutranych spraŭ sabrali danyja, jakija pakazvajuć rost kolkaści pasažyraŭ u aŭtobusnych pieravozkach u Biełaruś i Rasiju. Takaja situacyja ŭzmacniaje ryzyki biaśpieki na źniešniaj miažy dziaržavy, tamu padrychtavana narmatyŭnaje rehulavańnie, jakoje praduhledžvaje abmiežavańni ŭ pasažyrskich pieravozkach u Biełaruś i Rasiju», — rastłumačyŭ nieabchodnaść raspracoŭki ŭradavaha rasparadžeńnia ministr Ates Švinka.
Uradavym rasparadžeńniem budzie ŭstalavany abaviazak dla Dziaržaŭnaj pahraničnaj achovy z 15 kastryčnika 2025 hoda nie dapuskać, kab pasažyrskija pieravozčyki ažyćciaŭlali mižnarodnyja nierehularnyja pasažyrskija pieravozki aŭtobusami praź miažu Łatvii ź Biełaruśsiu i Rasijaj u punktach propusku na aŭtadarohach u Paternijekach (miaža ź Biełaruśsiu), Hrebnieva i Cierachava.
Učora stała viadoma, što ŭ suviazi z pastanovaj urada Litvy ab nadzvyčajnym stanoviščy mižnarodnyja aŭtobusnyja maršruty abmiežavanyja da 29. Na kožnym maršrucie dazvoleny tolki adzin rejs u kožny bok na adnym aŭtobusie.
Čytajcie taksama:
«Nie źviazana z vajskovymi vučeńniami». Mintrans Litvy prakamientavaŭ skasavańnie rejsaŭ ź Biełarusi
«Nie vypuskaje Litva». Čamu pieravozčyki masava admianili aŭtobusy pamiž Minskam i Vilniaj?