Šviejcaryja dałučyłasia da apošniaha pakieta sankcyj ES suprać Biełarusi
Šviejcaryja dałučyłasia da apošniaha pakieta sankcyj ES suprać Biełarusi, pryniataha 18 lipienia. Pavodle pryniataha jaje kiraŭnictvam rašeńnia, zamarožvajucca aktyvy vaśmi biełaruskich pradpryjemstvaŭ abaronnaj haliny i zabaraniajecca nadańnie im ekanamičnych resursaŭ.
Akramia Šviejcaryi, da hetych sankcyj raniej dałučylisia Ałbanija, Bośnija i Hiercahavina, Isłandyja, Lichtenštejn, Čarnahoryja, Paŭnočnaja Makiedonija, Narviehija i Ukraina.
Sankcyjnyja miery z hetaha pakieta ŭklučajuć zabaronu impartu zbroi ź Biełarusi, kantrol ekspartu i błakiroŭku finansavych apieracyj. Dla Biełarusi i Rasii dziejničajuć asobnyja sankcyjnyja dakumienty.
Rada ES patłumačyła rašeńnie ŭvieści hetyja sankcyi nieabchodnaściu reahavać na praciah udziełu Biełarusi ŭ rasijskaj ahresii suprać Ukrainy.
Čytajcie taksama:
Vosiem krain dałučylisia da apošniaha pakieta sankcyj ES suprać Minska
U abnoŭleny sankcyjny śpis trapiŭ šerah tavaraŭ bytavoj chimii. Što nielha budzie ŭvozić?