Vosieḿ krain, jakija nie ŭvachodziać u Jeŭrasajuz, dałučylisia da apošniaha pakieta sankcyj ES suprać Minska. Siarod ich — Ałbanija, Bośnija i Hiercahavina, Isłandyja, Lichtenštejn, Čarnahoryja, Paŭnočnaja Makiedonija, Narviehija i Ukraina. Pra heta paviedamlaje pres-słužba Jeŭrarady.
Hetyja krainy abaviazvajucca pryvieści svaju nacyjanalnuju palityku ŭ adpaviednaść z rašeńniem Rady ES. U zajavie adznačajecca, što Jeŭrasajuz prymaje heta da ŭvahi i vitaje takoje abaviazacielstva.
Jak paviedamlałasia raniej, 18 lipienia ES uvioŭ abmiežavańni ŭ dačynieńni da Minska, jakija ŭklučajuć zabaronu na impart zbroi, kantrol za ekspartam i błakavańnie finansavych apieracyj. Pry hetym sankcyi suprać Biełarusi i Rasii pryniatyja asobna.
Rada ES paličyła nieabchodnym uvieści dadatkovyja abmiežavańni ŭ suviazi z surjoznaściu situacyi i ŭ adkaz na praciah udziełu Biełarusi ŭ rasijskaj ahresii suprać Ukrainy.
Vyšejšy palityčny orhan ES zabaraniŭ zakupku lubych uzbrajeńniaŭ i spadarožnych materyjałaŭ ź Biełarusi.
Kamientary