U pačatku nastupnaha tydnia ŭ Biełaruś pryjedzie prezident Irana
Iranski prezident Masud Piezieškijan naviedaje Biełaruś na pačatku nastupnaha tydnia, paviedamiŭ jaho palityčny daradca, dyrektar Instytuta daśledavańniaŭ Irana i Jeŭrazii (IRAS) Miechdzi Sanai.
Masud Piezieškijan. Fota: Vahid Salemi / AP
Pa słovach Miechdzi Sanai, z paniadziełka, 18 žniŭnia 2025 hoda, Piezieškijan budzie rabić dvuchdzionny vizit u Armieniju i Biełaruś. Metaj pajezdki zajaŭlajecca ŭmacavańnie dvuchbakovych adnosin, asabliva ŭ handlovaj śfiery, a taksama padpisańnie dakumientaŭ.
Pierad tym płanavałasia, što heta pajezdka adbudziecca raniej, ale jaje pieranieśli.
Jak prezident krainy-naziralnicy pry JEAES Piezieškijan pavinien byŭ prysutničać na pasiadžeńni Vyšejšaj Jeŭrazijskaj ekanamičnaj rady ŭ Minsku 27 červienia, ale admianiŭ pajezdku z-za situacyi na Blizkim Uschodzie.
Vizit iranskaha lidara adbyvajecca na fonie aktyvizacyi kantaktaŭ Alaksandra Łukašenki z uładami ZŠA i adnačasova napružanych adnosin pamiž Iranam i ZŠA.
Čytajcie taksama:
Stalica Irana moža być pieraniesienaja z-za katastrafičnaha deficytu vady
Tramp pryvitaŭ Pucina na Alascy bambardziroŭščykami, što bambili Iran
Telefanavańnie Trampa Łukašenku: što heta było?
Z-za hrašovaha kryzisu Iran źbirajecca prybrać sa svajoj valuty čatyry nuli
Tramp: Kali Iran znoŭ pačnie jadziernuju prahramu, my jaho chutka źniščym