«Ania, vychodź za mianie». Homielskaja dziaŭčyna atrymała prapanovu ź niezvyčajnym šykam VIDEA

Pa tyktoku razyšłasia ramantyčnaja historyja z Homiela. Žycharka horada Ania atrymała šykoŭnuju prapanovu ruki i serca ad svajho kachanaha Alaksieja, hramadzianina Izraila. Aformlenaja padzieja była pa-sapraŭdnamu niezabyŭna, piša Tochka.by.

Skrynšot ź videa

Hanna i Alaksiej paznajomilisia mienš čym hod tamu, kali chłopiec pryjechaŭ u Homiel pa spravach i praz svajakoŭ sustreŭsia ź dziaŭčynaj. Z taho času heta para zaŭsiody razam.

U dzień prapanovy Ania, niby adčuvajučy niešta asablivaje, apranuła biełuju sukienku. Kali jany z Alaksiejem išli praz most nad sažałkaj u Homieli, na nabiarežnaj uspychnuŭ vializny nadpis: «Ania, vychodź za mianie». Paśla hetaha nieba aśviacili załpy fiejervierkaŭ.

@tusimby V Homiele Anie sdiełali priedłožienije. Ania skazała DA ! Rady za riebiat ! Spasibo za vidieo @alessa_gomel P.S: prikolno budiet, jeśli svadiebnyj užin proviedu ja #homiel #biełaruś #ludihomiela #obzoryhomiel #novostihomiel ♬ orihinalnyj zvuk - TUSIMBY GOMEL BELARUS

Pakul dziaŭčyna sprabavała ŭśviadomić, što adbyvajecca, Alaksiej staŭ na adno kalena i padaŭ joj piarścionak. Ania adkazała «tak».

Pobač sabralisia ludzi, jakija pačali vitać i apładziravać maładym. Budučaja niaviesta pryznałasia, što była vielmi kranutaja takoj padtrymkaj ziemlakoŭ. Viasielle maładyja płanujuć pravieści ŭ kancy vieraśnia, z vyjaznoj rehistracyjaj u tym ža ramantyčnym styli.

Kamientatary ŭ tyktoku zbolšaha radavalisia za paru, choć byli i tyja, chto cikaviŭsia koštam takoha afarmleńnia prapanovy i ličyli vydatki nieracyjanalnymi.

Arhanizavać chłopcu takuju aryhinalnuju prapanovu, darečy, dapamahła administracyja homielskaha parku.

Kamientary da artykuła