«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?
Kikbaksior Vital Hurkoŭ niekalki miesiacaŭ tamu pachvaliŭsia, što zrabiŭ prapanovu ruki i serca, ale pakazvać kachanuju nie śpiašajecca. Chto ž taja Hanna?
Naprykancy maja Vital Hurkoŭ zrabiŭ storys z vyjavaj dvuch zaručalnych piarścionkaŭ i napisaŭ na ŭkrainskaj movie: «Ja zrobiv propoziciju. Anna vidpoviła tak!».
Udakładniać, što heta ź dziaŭčyna, baksior nie staŭ. U jaho akaŭncie jość fotazdymak, na jakim jon abdymaje pryhažuniu, ale ž para staić da fatohrafa śpinami.
Praanalizavaŭšy storys baksiora, «Naša Niva» ŭsio ž zmahła daviedacca, chto ž staŭ abrańnicaj Vitala. Jon adpačyvaje i vandruje razam z ukrainkaj Hannaj Jaśminaj.
Jana žyvie ŭ Kijevie i maje šaścihadovaha syna. Hanna — dydžej, vystupaje na roznych viečarynach.
Nakolki viadoma, raniej Vital Hurkoŭ nikoli nie byŭ žanaty.
Davoli praciahłymi byli jaho adnosiny z himnastkaj Mielicinaj Staniutaj, ź jakoj Vital paznajomiŭsia ŭ 2015 hodzie. Ale ž tam usio było nie vielmi prosta. Kali ŭ 2019-m čarhovy raz pajšli čutki pra toje, što para razyšłasia, Hurkoŭ u kamientaryi dla «Našaj Nivy» zajaviŭ, što ŭ ich usio vielmi dobra i litaralna tydzień tamu jon sa Staniutaj razmaŭlaŭ pra viasielle.
U tym ža 2019 hodzie rasijskija ŚMI pisali pra toje, što ŭ baksiora byccam by raman ź biełaruskaj śpiavačkaj Rytaj Dakotaj, jakaja tady była ŭ razvodzie. Ale ž u vyniku Hurkoŭ skazaŭ, što heta plotki: «Tak, my sustrakalisia. Ale heta było 10 hadoŭ tamu».
Jašče napačatku 2020 hoda Hurkoŭ i Staniuta zrabili ahulny haračy fotaset, a praź niekalki miesiacaŭ baksior u «Žyćci-malina» pryznaŭsia, što adnosiny zajšli ŭ tupik. Vital kazaŭ, što niekalki razoŭ vielmi ramantyčna rabiŭ Mielicinie prapanovu stać jaho žonkaj, ale adkazy byli roznyja: «Byli i ślozy, i tak, i nie. I ŭsio astatniaje».
U 2020 hodzie Hurkoŭ praz palityčnuju situacyju ŭ Biełarusi pajechaŭ va Ukrainu i zastaŭsia tam. Niadaŭna eks-kikbaksior vykłaŭ u instahramie fota ŭ formie aficera ŭkrainskaj palicyi z podpisam: «Słužu ŭkrainskamu narodu!».
Bajałasia raźmierkavańnia: mazyrskaja błohierka z 2,6 miljona padpisčykaŭ kinuła ŭniviersitet
Alaksiej Tałaj raźvioŭsia z druhoj žonkaj
Błohierka Baba Niura raźviałasia z mužam-dalnabojščykam i syšłasia z hitarystam «Drazdoŭ»
Natalla Padolskaja zładziła viasielle ŭ druhi raz. U hości pryjšli Z-artysty i navat Piaskoŭ
Ciapier čytajuć
Knyrovič raskazaŭ, čamu były dyrektar aršanskich zavodaŭ paśla vyzvaleńnia pajšoŭ vajavać za Rasiju, dzie i zahinuŭ6
Kamientary