Jašče adzin biełaruski pieravozčyk admianiŭ rejsy ŭ Vilniu
Mahiloŭski pieravozčyk «Aŭtasieŭład» admianiŭ rejsy z Mahilova ŭ Vilniu praź Minsk, paviedamlaje Infotrans Media Belarus.
Admienieny rejs na 9:30 z Mahilova, jaki ŭ 12:15 adpraŭlajecca ź Minska.
Nazad nie budzie rejsa na 15:40 ź Vilniusa ŭ Mahiloŭ. Jon taksama idzie praź Minsk.
Servis pa prodažy biletaŭ Infobus.by viartaje poŭny košt admienienych rejsaŭ.
Ź jakoj daty admienieny rejsy nie paviedamlajecca.
Z 12 žniŭnia pasažyry, jakija jeździać pamiž Minskam i Vilniaj, sutyknulisia z rezkim skaračeńniem kolkaści rejsaŭ. Pryčyna — abmiežavańni, uviedzienyja litoŭskim uradam jašče ŭ 2024 hodzie ŭ ramkach režymu nadzvyčajnaha stanovišča, ale ciapier pačali prymianiacca značna stražej.
Častkova rejsy admianili litoŭski pieravozčyk Eurolines i biełaruski «Minsktrans».