U Rasii abjavili ŭ vyšuk Aleksa Leśli, seks-treniera rodam ź Biełarusi

Błohiera Alaksandra Kiryłava (Aleksa Leśli) abviaścili ŭ vyšuk, vynikaje z materyjałaŭ u bazie vyšuku MUS Rasii. Na pošukavuju kartku ź jahonym proźviščam źviarnuli ŭvahu rasijskija ŚMI.

U kartcy havorycca, što błohiera šukajuć «pa artykule KK». U červieni Śledčy kamitet Rasii raspačaŭ u dačynieńni da błohiera spravu ab schileńni da zhvałtavańnia (č. 4 art. 33, č. 1 art. 131 KK) — paśla skarhaŭ žycharak Maskvy na damahańni ŭdzielnikaŭ treninhu Leśli.

Aleks Leśli atrymaŭ viadomaść u 2018 hodzie paśla rasśledavańnia Alaksieja Navalnaha pra miljardera Aleha Dzierypasku. Dziakujučy knizie i instahramu vučanicy Leśli, taksama biełaruski Naści Rybki Navalny vyśvietliŭ, što Dzierypaska adpačyvaŭ na jachcie razam z byłym vice-premjeram rasijskaha ŭrada Siarhiejem Prychodźkam.

Alaksandr Kiryłaŭ (Aleks Leśli) — uradženiec Biełarusi. Jon naradziŭsia ŭ Viciebsku ŭ 1982 hodzie, a paśla zakančeńnia škoły pastupiŭ na miechanika-matematyčny fakultet Maskoŭskaha dziaržaŭnaha ŭniviersiteta.

Ciapier Leśli žyvie za miežami Biełarusi i Rasii.

Kamientary da artykuła