Videa siłavoha zatrymańnia biełaruski Nastaśsi Vašukievič (Naści Rybki) u maskoŭskim aeraporcie «Šaramiećcieva» apublikavaŭ telekanał RIEN TV.
Dziaŭčyna adčajna supraciŭlajecca i nie žadaje dobraachvotna zdavacca, kažučy: «Ja nie chaču nikudy jechać».
Apieratyŭniki spačatku sprabavali vyvieźci jaje ŭ invalidnym vazku, zatym pad ruki vynieśli dziaŭčynu z pamiaškańnia.
Viečaram 17 studzienia palicyja Maskvy zatrymała ŭ aeraporcie Aleksa Leśli i Naściu Rybku, a taksama jašče dvuch čałaviek pa spravie ab arhanizacyi prastytucyi. Im pahražaje da šaści hadoŭ turmy.
Pracaŭnica eskort-pasłuh Rybka stała viadomaja, paśla taho jak rasijski antykarupcyjny błohier Alaksiej Navalny ahučyŭ jaje pryznańni ab seks-trypie z udziełam byłoha pamočnika Pucina, a ciapier vice-premjera Prychodźki na jachcie, jakaja naležyć miljarderu Dzierypasku.
Navalny zajaviŭ, što rasceńvaje sumiesny «adpačynak» miljardera i čynoŭnika jak karupcyju.
Prychodźka zachavaŭ svaju pasadu, rasijskija kantralavanyja ŚMI spravu zamaŭčali. Zatoje ŭ Rybki i jaje partniora pa «biznesie» Aleksa Leśli (Alaksandra Kiryłava) nieŭzabavie paśla publikacyi rasśledavańnia pačalisia prablemy. Dzierypaska padaŭ na abaich u sud i adsudziŭ 1 młn rasijskich rubloŭ. A paśla hetaha ich zatrymali ŭ Tajłandzie.
Jany bajalisia ekstradycyi ŭ Rasieju i prasili dapamohi ŭ amierykanskaj ambasady. U pryvatnaści, Naścia Rybka abiacała pieradać amierykancam važnyja źviestki ab umiašańni Rasii ŭ vybary prezidenta ZŠA, jakija joj nibyta ŭdałosia atrymać padčas razmovy z rasijskim miljarderam Aleham Dzierypaskam. Tym nie mienš tajłandski sud pastanaviŭ ekstradziravać ich u krainy, pa pašpartach jakich jany prybyli ŭ Tajłand. Rybka, adpaviedna, pavinna była prajści ŭ Biełaruś tranzitam praz Maskvu. Pierad ich vyletam rupar rasiejskaj prapahandy, ahienctva RIA «Naviny», apublikavaŭ infarmacyju, što zatrymańnie ŭ Maskvie im nie pahražaje, bo kryminalnych spraŭ suprać ich nie viadziecca.
U pasolstvie Biełarusi ŭ Maskvie kažuć, što «praviarajuć infarmacyju» ab zatrymańni Vašukievič.
Ciapier čytajuć
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ6
Kamientary