Kanada vydzialaje hrošy Ukrainie na nabyćcio zbroi
Padčas vizitu ŭ Kijeŭ premjer-ministr Kanady Mark Karni abviaściŭ, što jaho kraina pieradaść Ukrainie 2 miljardy kanadskich dalaraŭ (kala 1,5 miljarda dalaraŭ ZŠA) na vajskovuju dapamohu. Z hetaj sumy 1,44 miljarda budzie vydatkavana na pastaŭki dronaŭ, bojeprypasaŭ i braniatechniki, jakija čakajucca ŭžo ŭ vieraśni.
Mark Karni ŭ Kijevie. Fota: AP Photo/Efrem Lukatsky
Akramia taho, Kanada vydzielić dziasiatki miljonaŭ dalaraŭ na ekstrannuju dapamohu, budaŭnictva bambaschoviščaŭ i abaronu ad kibieratak.
Mark Karni taksama padkreśliŭ, što Kanada jak sustaršynia mižnarodnaj kaalicyi budzie damahacca chutkaha i biezumoŭnaha viartańnia z Rasii ŭkrainskich dziaciej.
24 žniŭnia ŭ Kijevie adbylisia ŭračystaści z nahody 34-j hadaviny Niezaležnaści Ukrainy. U ich pryniali ŭdzieł śpiecpradstaŭnik prezidenta ZŠA Kit Kiełah, kiraŭniki i dypłamaty inšych krain, u tym liku i asabista kanadski premjer Mark Karni.
Čytajcie taksama:
Jak u Kijevie adznačyli Dzień Niezaležnaści
146 na 146. Ukraina i Rasija praviali novy abmien vajennapałonnymi
ZŠA zaćvierdzili prodaž Ukrainie 3 tysiač dalnabojnych rakiet ERAM