«Vy baronicie nie tolki svaju ziamlu — vy baronicie prava ŭsich ludziej žyć u svabodzie». Cichanoŭskaja — da Dnia Niezaležnaści Ukrainy
Śviatłana Cichanoŭskaja pavinšavała narod Ukrainy i prezidenta Uładzimira Zialenskaha z Dniom Niezaležnaści.
«Vašaja stojkaść i advaha stali śvietłym prykładam dla ŭsiaho śvietu. Ale asabliva — dla biełarusaŭ», — havoryć Cichanoŭskaja.
Jana padkreślivaje, što ŭkraincy zmahajucca nie tolki za svaju krainu: «Vam davodzicca płacić najvyšejšuju canu za svaju niezaležnaść. Ale vy baronicie nie tolki svaju ziamlu — vy baronicie prava ŭsich ludziej žyć u svabodzie».
Cichanoŭskaja kaža, što biez svabodnaj Ukrainy nie budzie svabodnaj Biełarusi, jak i biez svabodnaj Biełarusi nie budzie biaśpiečnaj Jeŭropy.
«My razumiejem vaš bol. My padtrymlivajem vašu baraćbu. Biełarusy i biełaruski — pobač z vami. Z vami našyja dobraachvotniki na froncie, našyja vałanciory i aktyvisty. Biełarusy z usiaho śvietu achviarujuć srodki. A ŭ turmach łukašenkaŭskaha režymu — sotni biełarusaŭ, jakija paciarpieli za padtrymku Ukrainy. I my praciahvajem zmahacca za ich vyzvaleńnie.
U nas z Ukrainaj adzin i toj ža vorah. Rasijski impieryjalizm prynios vajnu na vašuju ziamlu i zrabiŭ Biełaruś zakładnicaj suprać voli biełaruskaha naroda.
Ale my viedajem: vašaja pieramoha daść šaniec na svabodu i Biełarusi. Biez svabodnaj Ukrainy nie budzie svabodnaj Biełarusi. Hetaksama jak i biez svabodnaj Biełarusi nie budzie biaśpiečnaj Jeŭropy», — padkreślivaje jana.
Cichanoŭskaja vykazvaje spadzieŭ, što ŭ biełarusaŭ i ŭkraincaŭ nie tolki słaŭnaja historyja, ale i supolnaja budučynia — u jeŭrapiejskaj siamji svabodnych narodaŭ.
«I siońnia, u vaš dzień Niezaležnaści, zyču vam siły, kab vystajać i adstajać svabodu. Zyču vam tryvałaha i spraviadlivaha miru, jaki ŭkrainski narod biezumoŭna zasłuhoŭvaje. Žyvie Biełaruś! Słava Ukrainie!»
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj18
Kamientary