U šakaładkach «Kamunarki» znajšli ličynki charčovaj moli

U sacsietkach źjavilisia videa, na jakich u šakaładkach «Kamunarki» bačnyja ličynki charčovaj moli. Vytvorca byŭ vymušany tłumačyć situacyju, piša Ofiice Life.

Fota ilustracyjnaje

Kampanija adreahavała na situacyju, adznačyŭšy, što na pradpryjemstvie stroha vykonvajucca sanitarnyja i hihijeničnyja normy: abstalavańnie i invientar myjucca i dezynfikujucca paśla kožnaj źmieny, pravodziacca miesiačnyja sanitarnyja dni, zaklučanyja damovy na prafiesijnuju dezynsiekcyju i dieratyzacyju. Pravierka pakazała, što na fabrycy niama śladoŭ škodnikaŭ.

Usie pradukty pierad pastaŭkaj u kramy prachodziać kantrol pa fizika-chimičnych, arhanaleptyčnych i biaśpiečnych pakazčykach, što paćviardžajuć taksama niezaležnyja łabaratoryi.

Śpiecyjalisty rastłumačyli, što ličynki ŭ šakaładzie, pakazanym na videa, źjavilisia nie bolš za 20 dzion tamu i mahli być vyklikanyja parušeńniem umoŭ zachoŭvańnia, niapravilnym susiedstvam tavaraŭ (naprykład, pobač z arechami ci mukoj) abo niedastatkovaj sanitarnaj čyścinioj.

Kampanija nahadvaje, što za pravilnyja ŭmovy zachoŭvańnia i realizacyi pradukcyi adkazvajuć taksama handlovyja punkty i spažyŭcy. Pry hetym harantyja na pradukcyju dziejničaje pry zachavańni ŭsich patrabavańniaŭ pa zachoŭvańni.

Pakupnikam rekamiendujuć źviartacca ŭ kramu dla pravierki ŭmoŭ zachoŭvańnia abo samastojna pravieryć šakaład doma i pry nieabchodnaści pryniać miery.

Kamientary da artykuła