U Biełarusi ludzi ŭ šoku ad rezkaha rostu cen na kavu. Tak, u tyktoku adna žančyna pakazała videa z ceńnikami ŭ adnoj z kram — naprykład, Lavazza kaštuje amal 150 rubloŭ, a inšyja hatunki — ad 56 da 117 rubloŭ, zaŭvažyła BG.Media.
Kamientatary pad videa nie chavajuć ździŭleńnia: adny pišuć pra suśvietny kryzis, a inšyja žartoŭna prapanujuć pierachodzić na «Žakiej». Inšyja ž nahadvajuć, što ŭ navinach daŭno było pra toje, što kavavy kryzis — suśvietny i źviazany ź nieŭradžajami.
Sapraŭdy, pryčyna rostu cen — hłabalny deficyt kavy. Z-za zasuchi i ekstremalnych umoŭ u Brazilii i Vjetnamie, asnoŭnych suśvietnych vytvorcach kavy, uradžaj značna źmienšyŭsia. Heta vyklikała skačok suśvietnych cen.
Naprykład, na biržy ICE ceny na arabiku vyraśli na 70% u paraŭnańni z kancom 2024 hoda. Taksama rezka padaraželi kakava-baby, što adbiłasia na canie šakaładu.
Biełaruś, jak imparcior, aŭtamatyčna adčuvaje hety rost. Miascovyja vytvorcy ciapier kuplajuć zialonaje ziernie dla pražańnia kavy ŭžo pa $10, i čakajecca rost da $12. Heta moža pryvieści da taho, što zvyčajny kapučyna ŭ kaviarniach budzie kaštavać da 9 rubloŭ, a drobnyja kaviarni ryzykujuć zbankrutavać.
Ekśpierty hrupy BEROC papiaredžvajuć: rost cen na kavu i šakaład praciahniecca. Užo ŭ lutym 2025 hoda kava padaražeła na 26%, šakaład — na 30%, i heta tolki pačatak.
«Sałodkaja hlina za 9 rubloŭ». Biełarusy spračajucca z-za cany na šakaładku «Alonka»
U ZŠA pačaścilisia kradziažy nieabsmažanaj kavy na fonie rostu koštaŭ na ziernie
«Kapučyna ad 9 rubloŭ u krasaviku-mai — całkam realna». Što budzie z cenami na kavu ŭ Biełarusi
Cana na arabiku pabiła absalutny rekord. Što adbyvajecca i ci chopić nam kavy?
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku12
Kamientary
Kofie s ich cienami ftopku.