U Biełarusi vyraśli ceny na šakaład — i, pa słovach staršyni «Biełdziaržcharčprama» Aleha Žydkova, źnižeńnia nie pradbačycca. Pahladzieli, pa kolki ciapier pradajuć šakaład.
Ceny na šakaład aktyŭna abmiarkoŭvajuć u sacsietkach.
«A što adbyvajecca, što zdaryłasia? Dziaŭčaty, alo, «Kamunarka» 200 hramaŭ pa 10 rubloŭ. Vy na prykole?» — ździŭlalisia biełarusy ŭ tyktoku jašče ŭ sakaviku.
«Šakaład raniej kaštavaŭ mienš za dalar za plitku, a ciapier….» — pišuć u kamientarach.
«Pasłała muža pa horki šakaład, a jon kaža: moža, lepš kiłahram miasa kupić?» — žartujuć.
«Raniej «Alpien hold» byŭ biudžetny, a ciapier — jak tady «Miłka» i «Ryter sport» [kaštavali]. A jany jašče vyšej».
«Jedastaŭka»
U anłajn-kramie «Jeŭraopta» nabyć papularny biełaruski šakaład «Alonka» možna pa 9,25 rubla za 200 hramaŭ. Troški tańniejšy budzie «Trufielny elit» ad «Kamunarki» — pa 7,19 rubla za 200 hramaŭ.
Šakaład Nestle zvyčajna pradajecca pakunkami pa 70—80 hramaŭ. Nabyć jaho ŭ «Jedastaŭcy» možna za 4,69—5,49 rubla. Milka — pa 6,29 rubla za 80 hramaŭ.
Vysokija ceny trymajucca i na šakaładnyja cukierki: «Hryljaž z arachisam» ad «Kamunarki» pradajuć pa 34,69 rubla za kiłahram. A «Batončyk śmietankovy» ad toj ža fabryki — pa 15,75 rubla (ciapier jon na źnižcy 25%).
Emall
U Emall ceny tradycyjna nižejšyja, čym u «Jedastaŭcy». Za šakaładku «Alonka» paprosiać 7,98 rubla, a za «Trufielny elit» — 6,98 rubla.
Nabyć Nestle tut možna za 4,29-7,59 rubla, a Milka — 6,09-18,89 rubla za 80 ci 300 hramaŭ.
«Batončyk śmietankovy» tut budzie kaštavać 26,46 rubla za 800 hramaŭ. Šakaładnyja cukierki «Aerafłockija» — 38,99 rubla za 1,5 kiłahrama.
Green
U hipiermarkiecie Green šakaład «Alonka» kaštuje 11,28 rubla za 200 hramaŭ. Vybrać plitku ad toj «Kamunarki» z salonaj karamiellu možna za 7,49 rubla.
Nestle tut pradajecca ŭsio tak ža pa canie kala 4,39-6,99 rubla. Vialikuju Milka (300 hramaŭ) možna nabyć za 18,49-20,38 rubla.
Takaja ž vysokaja cana i na cukierki: 200 hramaŭ «Aerafłockich» možna nabyć za 6,75 rubla. A «Hryljaž z arachisam» 200 hramaŭ — za 7,12 rubla.
Akcyi ŭ inšych kramach
Pa źnižcy prapanujuć nabyć šakaład u sietkavaj kramie «Kapieječka». Šakaład «Kamunarka» z parečkaj ci z arachisavaj pastaj tut kaštuje 6,99 rubla za 200 hramaŭ. Nestle u «Kapieječcy» pradajuć pa 4,19 rubla za 82 ci 90 hramaŭ.
U «Hrošyku Mieha» ciapier pa źnižcy cukierki «Batončyk śmietankovy» — 16,99 rubla za kiłahram. U «Susiedziach» pa źnižcy možna znajści Alpen Gold pa 4-8 rubloŭ za 75-140 hramaŭ i cukierki ŭłasnaha brendu kramy.
Jak ceny źmianilisia za hod?
Kali paraŭnać ceny na «Jedastaŭcy» na adny i tyja ž šakaładki ciapier i ŭ lipieni minułaha hoda, to akazvajecca, što jany vyraśli bolš čym na 10%.
Tak, 200-hramovaja «Alonka» padaražała na 12% (hod tamu kaštavała 8,25 rubla), standartnaja Milka — na 19% (było 5,26 rubla), Nestle — adrazu na 56% (było 2,99 rubla). «Kindar šakaład» (100 hramaŭ) navat bolej — na 68% (z 7,25 rubla da 12,24).
A jak u susiedziaŭ?
Ceny na šakaład vyraśli va ŭsim śviecie.
U Rasii Milka možna nabyć za 126—219 rasijskich rubloŭ (kala 4,7—8,1 biełaruskaha rubla). Rasijskaja «Alonka» tam ža budzie kaštavać pa 109—219 rasijskich rubleŭ (kala 4—8 biełaruskich rubloŭ).
U Litvie jakasny šakaład miascovaj vytvorčaści marki Pergale pradajuć pryblizna pa 1,49—2,49 jeŭra (5-8,5 biełaruskaha rubla) za 80 hramaŭ. Milka — pa 2,59 jeŭra za 100 hramaŭ. Ale treba skazać, što tut praktyčna zaŭsiody niejki šakaład pradajecca pa akcyjach z 20—30-pracentnaj źnižkaj.
Adnak nielha zabyvać, što siaredni zarobak čystymi ŭ Rasii ŭ paŭtara, a ŭ Litvie — u 2,5 razu vyšejšy, čym u Biełarusi, tamu zvyčajny čałaviek za svoj zarobak tam moža dazvolić sabie bolš łasunku, čym siaredni biełarus.
Niadaŭna staršynia «Biełdziaržcharčprama» Aleh Žydkoŭ zajaviŭ, što panižeńnia cen na kandytarskija vyraby čakać nie varta. Čynoŭnik kaža, što na farmavańnie cen upłyvaje nie tolki suśvietny nieŭradžaj kakava-baboŭ, ale i šerah «śpiecyfičnych momantaŭ».
«Pakul pieradumoŭ da taho, što cana pojdzie ŭniz, my nie bačym. Tendencyja źmieny koštu ŭ mienšy bok, kali i budzie adbyvacca, to niaznačna», — skazaŭ Aleh Žydkoŭ.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary