«Absurdna na fonie admieny sankcyj z boku ZŠA». MZS Biełarusi aburyŭsia, što Polšča i Łatvija zakryli nieba na miažy
U Ministerstvie zamiežnych spraŭ ličać, što heta naniasie škodu Jeŭrasajuzu.
MZS Biełarusi asudziŭ rašeńnie ŭładaŭ Polščy i Łatvii zakryć nieba na miažy ź Biełaruśsiu.
Viedamstva praviało paralel z rašeńniem ZŠA źniać sankcyi z «Biełavija».
«Hetyja dyskryminacyjnyja miery nie majuć ničoha ahulnaha z tymi nadumanymi pahrozami, jakija jany nibyta pavinny adlustravać, i vyhladajuć asabliva absurdna na fonie admieny ZŠA raniej dziejučych sankcyj u dačynieńni da biełaruskaj avijakampanii «Biełavija», — havorycca ŭ paviedamleńni.
U MZS ličać, što zakryćcio nieba na miažy naniasie istotnuju škodu samomu Jeŭrasajuzu i jaho dziełavym partnioram. A jašče «pahoršać isnujučyja składanaści ŭ śfiery mižnarodnych pieravozak pasažyraŭ i hruzaŭ, pryviaduć da dalejšaha abvastreńnia napružanaści i pahłybleńnia samaizalacyi ES».
Čytajcie taksama:
Łatvija moža całkam zakryć miažu z Rasijaj i Biełaruśsiu
Polšča ŭviała abmiežavańni na paloty ŭzdoŭž miažy ź Biełaruśsiu i Ukrainaj
Ci zmohuć samaloty «Biełavija» paśla źniaćcia sankcyj ZŠA znoŭ lotać u Jeŭropu?
ZŠA zdymajuć sankcyi z «Biełavii»
Vyzvalenyja 52 palitviaźni. Statkievič admaŭlajecca departavacca, staić u niejtralnaj zonie
Pasažyry «Biełavii» zmohuć zamović charčavańnie pierad palotam