Zialenski: Rasijskaja apieracyja na Sumščynie całkam sarvanaja
Prezident Ukrainy Uładzimir Zialenski paviedamiŭ, što rasijskaja nastupalnaja apieracyja na Sumy poŭnaściu sarvanaja ukrainskimi siłami. Pra heta jon skazaŭ 12 vieraśnia paśla pasiadžeńnia Staŭki Viarchoŭnaha hałoŭnakamandujučaha, piša «Ukrainskaja praŭda».
Fota: Deepstate
Zialenski adznačyŭ, što na Sumščynie praciahvajucca bai ŭ pryhraničnych rajonach, ale rasijskaja hrupoŭka na hetym kirunku straciła nastupalny patencyjał praź vialikija straty.
Akramia taho, Ukraina praciahvaje aktyŭna supraćdziejničać rasijskim šturmam na Danieččynie i ŭ Zaparožskaj vobłaści.
Uładzimir Zialenski taksama pastaviŭ zadaču ŭzmacnić pracu ź mižnarodnymi partniorami dla bolš apieratyŭnych pastavak zbroi i nadziejnaj abarony krytyčnaj infrastruktury.
Asobna jon padziakavaŭ ukrainskim padraździaleńniam za dakładnaść udaraŭ, asabliva pa rasijskaj łahistycy i paliŭnaj infrastruktury.
Čytajcie taksama:
USU spynili nastup rasijskich vojsk u Sumskaj vobłaści
Bai iduć užo na Dnieprapiatroŭščynie. Jakaja situacyja kala Kupianska, Pakroŭska i Dabrapolla
Rasijski aficer dapamoh USU ŭdaryć pa rasijskim palihonie i zabić 65 vajskoŭcaŭ