Uzbrojenyja siły Ukrainy spynili prasoŭvańnie rasijskich vojskaŭ u Sumskaj vobłaści, paviedamiŭ hałoŭnakamandujučy Uzbrojenymi siłami Ukrainy Alaksandr Syrski.
«Nastup rasijskich vojskaŭ u pryhraničnych rajonach Sumskaj vobłaści spynieny, linija boju stabilizavałasia», — adznačyŭ jon pa vynikach svajoj pajezdki na front.
Ciapierašniaja chvala sprob «letniaha nastupleńnia» rasijan zachłynajecca.
Alaksandr Syrski zaznačyŭ, što na vyznačanych učastkach ukrainskija padraździaleńni paśpiachova vykarystoŭvajuć taktyku aktyŭnaj abarony i vyzvalajuć ukrainskuju ziamlu ŭ pamiežžy Sumščyny, piša «Ukrainskaja praŭda».
Syrski zajaviŭ, što na Paŭnočnasłabažanskim i Kurskim napramkach Uzbrojenyja siły Ukrainy znoŭku źviazali kala 50 tysiač rasijskich vajskoŭcaŭ, u tym liku elitnyja bryhady ich PDV i marskoj piachoty.
«Našy nastupalnyja dziejańni ŭ Hłuškaŭskim rajonie Kurskaj vobłaści prymusili praciŭnika adpravić častku vojskaŭ na abaronu svajoj terytoryi. Heta značna źniziła nastupalnyja mahčymaści asnoŭnaha hrupavańnia vojskaŭ praciŭnika na Sumskim napramku», — skazaŭ hałoŭnakamandujučy.
Taksama Syrski paviedamiŭ, što na Paŭnočnasłabažanskim napramku stvorana śpiecyjalnaja hrupa dla abarony haradoŭ i hramad Sumščyny.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary