U pavietranaj prastory Rumynii pierachapili rasijski dron

Pra pierachop rasijskaha drona ŭ niebie nad Rumynijaj paviedamili miascovyja ŚMI. Dla pierachopu jaho z avijabazy Fietešci padniali dva źniščalniki F-16, paćvierdziła kamandavańnie miascovych Pavietranych sił.

Zdymak ilustracyjny. Fota: AP Photo / Evgeniy Maloletka

U Ministerstvie abarony Rumynii ŭdakładnili, što bieśpiłotnik nie pralataŭ nad nasielenymi punktami i nie ŭjaŭlaŭ niepasrednaj pahrozy biaśpiecy nasielnictva. Ciapier situacyju ŭ pavietry kantralujuć RŁS i samaloty.

Prezident Ukrainy Uładzimir Zialenski paviedamiŭ, što rasijski dron u pavietranaj prastory Rumynii znachodziŭsia kala 50 chvilin i zahłybiŭsia na 10 kiłamietraŭ ad miažy. Taksama jon nahadaŭ, što raniej u hety samy dzień Polšča zadziejničała vajskovy adkaz na pahrozu ŭdarnych dronaŭ Rasii, jakija lotali nad Vałyńniu.

Pavodle słoŭ Zialenskaha, Rasija nibyta vykarystoŭvaje dla zapusku dronaŭ u kirunku Vałyni pavietranuju prastoru Biełarusi. Bieśpiłotniki taksama fiksavali ŭzdoŭž usioj paŭnočnaj miažy Ukrainy.

Zialenski čarhovy raz padkreśliŭ: heta nie vypadkovaść, a śviadomaje pašyreńnie vajny. Rasija pavinna adčuć nastupstvy hetych dziejańniaŭ. 

«Sankcyi suprać Rasii patrebnyja. Taryfy suprać rasijskaha handlu patrebnyja. Sumiesnaja abarona patrebnaja, i Ukraina prapanavała partnioram stvaryć mienavita takuju sistemu abarony. Nie čakajcie dziasiatkaŭ «šachiedaŭ» i balistyku, kab narešcie pryniać rašeńnie», — zaklikaŭ jon zachodnich partnioraŭ.

Kamientary da artykuła