Mark Rute abviaściŭ pra zapusk śpiecyjalnaj prahramy NATA dla abarony ŭschodniaha fłanhu aljansu
Paśla taho jak u pačatku tydnia nie mienš za 19 rasijskich bieśpiłotnikaŭ parušyli pavietranuju prastoru Polščy, hienieralny sakratar NATA Mark Rute abviaściŭ pra zapusk novaj prahramy pad nazvaj Eastern Sentry («Uschodni vartavy»), paviedamlaje Euronews.
Inicyjatyva maje na mecie ŭmacavańnie ŭschodniaha fłanhu Aljansu i strymlivańnie dalejšych rasijskich parušeńniaŭ.
Mark Rute padkreśliŭ, što fakt uvarvańnia dronaŭ — niezaležna ad taho, było heta naŭmysna ci vypadkova, — źjaŭlajecca niedapuščalnym. Jon adznačyŭ, što ŭsie sajuźniki vykazali poŭnuju salidarnaść z Polščaj, a abarona ŭschodnich miežaŭ — adna z hałoŭnych zadač NATA.
Akramia taho, ministr abarony ZŠA Pit Chiehset, jaki raniej nazyvaŭ Polšču «ŭzornym sajuźnikam», pravioŭ pieramovy ź vice-premjeram i kiraŭnikom Ministerstva nacyjanalnaj abarony Polščy Uładzisłavam Kasiniakam-Kamyšam.
Polski ministr paviedamiŭ u sacsietcy X, što atrymaŭ ad amierykanskaha boku paćvierdžańnie: Polšča moža raźličvać na siabroŭstva i poŭnuju padtrymku Złučanych Štataŭ.
NATA rychtuje vajenny adkaz na ataku rasijskich dronaŭ u Polščy
Amierykanskija sienatary rapracavali prajekt zakona ad pryznańni Rasii i Biełarusi dziaržavami — sponsarami teraryzmu
Mižnarodnyja ekśpierty acanili rasijski kantynhient na vučeńniach «Zachad-2025»
Tramp: Zalot rasijskich bieśpiłotnikaŭ u Polšču praź Biełaruś moh być pamyłkaj
Kamientary