Nazvali pryčynu, praź jakuju zhareła carkva ŭ Ściapankach
Ekśpierty vyśvietlili, što chram śviatoha Archanhieła Michaiła u ahraharadku Ściapanki Žabinkaŭskaha rajona zhareŭ z-za karotkaha zamykańnia va ŭvodnym elektryčnym kabieli budynka.
Pažar uźnik padčas ramontna-adnaŭlenčych rabot, kali da sietki adnačasova padklučali enierhajomistaje abstalavańnie, što i pryviało da avaryjnaha režymu.
Carkva śviatoha Archanioła Michaiła, jakaja zhareła 24 lipienia 2025 hoda, była adnym z historyka-kulturnych abjektaŭ Biełarusi i važnym elemientam kulturnaj pamiaci rehijonu. Jana była pabudavanaja kala 1780 hoda, rekanstrujavanaja ŭ 1858 hodzie i ličyłasia pomnikam draŭlanaha dojlidstva druhoj katehoryi.
U joj pierad aryštam słužyŭ palitviazień Siarhiej Razanovič, jaki byŭ aryštavany pa spravie Mikoły Aŭtuchoviča i ciapier adbyvaje prysudžany jamu 16-hadovy termin.
Akramia taho, 15 žniŭnia ŭ ahraharadku Aziaty taho samaha Žabinkaŭskaha rajona adbyŭsia pažar u budynku chrama Śviatoha Mikałaja Cudatvorca. Tam pažarniki zmahli chutka likvidavać połymia i razam z prychadžanami evakujavali materyjalnyja kaštoŭnaści. Ahoń paškodziŭ draŭlanuju vonkavuju abšyŭku zvanicy.
Čytajcie taksama:
Ułady raskazali, što budzie rabicca na miescy zharełaj carkvy ŭ Ściapankach
Carkva ŭ Ściapankach zhareła całkam VIDEA
U carkvie-šedeŭry, što zhareła pad Žabinkaj, da 2020 hoda słužyŭ śviatar-palitviazień Razanovič