Sud u Italii dazvoliŭ ekstradycyju ŭ Hiermaniju mierkavanaha arhanizatara padryvu hazapravoda «Paŭnočny patok»
16 vieraśnia 2025 hoda sud u Italii dazvoliŭ ekstradycyju ŭ Hiermaniju hramadzianina Ukrainy, jakoha padazrajuć u arhanizacyi dyviersii na hazapravodzie «Paŭnočny patok» u Bałtyjskim mory ŭ vieraśni 2022 hoda, piša «Radyjo Svaboda».
Ilustracyjny zdymak
Zatrymany paznačany ŭ dakumientach jak Siarhiej K., ale šerah ŚMI nazyvajuć jaho proźvišča — Kuźniacoŭ. Mužčynu aryštavali ŭ žniŭni ŭ italjanskim kurortnym horadzie Rymini, paśla taho jak Fiederalnaja prakuratura Hiermanii vydała jeŭrapiejski ordar na jahony aryšt.
Siarhiej K. staŭ pieršym padazravanym, zatrymanym u spravie ab padryvie «Paŭnočnaha patoku». U Hiermanii jamu vystavili šerah abvinavačvańniaŭ, u tym liku ŭ teraryźmie. U sudzie jon nie pryznaŭ svajoj viny.
Pavodle ordara, zatrymany ŭvachodziŭ u hrupu, jakaja ŭ vieraśni 2022 hoda zakłała vybuchoŭku na «Paŭnočnym patoku-1» i «Paŭnočnym patoku-2» kala vostrava Bornchalm. Pavodle rasśledavańnia, jon moh być adnym z kiraŭnikoŭ apieracyi.
Vybuch adbyŭsia 26 vieraśnia 2022 hoda i mocna paškodziŭ abiedźvie mahistrali: try z čatyroch nitak byli źniščanyja i bolš nie padlahajuć adnaŭleńniu.
Čytajcie taksama:
Śledčyja ŭ Hiermanii vyznačyli asoby ŭsich padazravanych u padryvie «Paŭnočnych patokaŭ»
U Italii zatrymali padazravanaha ŭ dyviersii na «Paŭnočnych patokach» — hramadzianina Ukrainy
Padryŭ «Paŭnočnaha patoku»: stali viadomyja kulisy dziorzkaj dyviersii, rola Załužnaha i Polščy