U Italii zatrymali padazravanaha ŭ dyviersii na «Paŭnočnych patokach» — hramadzianina Ukrainy
Pra zatrymańnie ŭ italjanskaj pravincyi Rymini paviedamiła niamieckaja prakuratura. Padazravanaha źbirajucca ekstradavać u Hiermaniju, piša Bild.
Pa viersii śledstva, hramadzianin Ukrainy Siarhiej K. byŭ adnym z kaardynataraŭ hrupy, jakaja ŭ vieraśni 2022 hoda zakłała na trubapravodach «Paŭnočny patok» u Bałtyjskim mory vybuchoŭku.
Jak ličyć abvinavačvańnie, dyviersanty vyjšli z porta Rostaka na jachcie. Jaje dyviersanty arandavali pa padroblenych dakumientach u niamieckaj kampanii. Vybuchoŭku zakłali kala vostrava Barncholm.
Siarhieja K. čakaje ekstradycyja ŭ Hiermaniju, dzie i adbudziecca sud.
U 2024 hodzie sud u Hiermanii vydaŭ pieršy order na aryšt pa spravie ab padryvie hazapravodaŭ. Padazravanym byŭ inšy hramadzianin Ukrainy — Uładzimir. Ale jaho nie aryštavali ŭ Polščy, dzie jon tady žyŭ. Žurnalistam jon skazaŭ, što da vybuchaŭ niedatyčny.
Vybuchi na «Paŭnočnym patoku» i «Paŭnočnym patoku — 2» adbylisia 26 vieraśnia 2022 hoda. U vyniku vybuchaŭ byli paškodžanyja try z čatyroch nitak hazapravodaŭ. Rasśledavańnie pravodziłasia pravaachoŭnymi orhanami adrazu niekalkich krain, uklučajučy Hiermaniju.
Jak pisała Deutsche Welle, rasśledavańni niamieckich ŚMI ukazyvali na toje, što ŭ apieracyi pa vybuchu ŭdzielničali šeść ukrainskich vajskoŭcaŭ i niekalki cyvilnych asob.
Miarkujecca, što niekatoryja z hrupy ŭ minułym mieli suviazi z CRU ZŠA. Realizacyju nibyta padtrymlivaŭ Valeryj Załužny, jaki tady byŭ na pasadzie hałoŭnakamandujučaha USU.
-
Novaja lidarka Vieniesueły pad kantrolem Biełaha doma praviała čystki va ŭładzie paśla źviaržeńnia Madura
-
«Čas pakłaści kaniec iranskaj mašynie zabojstvaŭ!». Tramp iznoŭ pryhraziŭ źniščyć jadziernyja abjekty Irana ŭ vypadku pravału pieramovaŭ u Pakistanie
-
Litoviec, jaki špijoniŭ na karyść režymu Łukašenki, padaŭ u sud na prezidenta Litvy, bo jaho nie abmianiali na biełaruskich palitviaźniaŭ
Kamientary
Hramadzianskich? :) Moža, cyvilnych?.