Rasijski pasoł: Polšča jašče budzie apraŭdvacca za zakryćcio miažy
Pasoł Rasii ŭ Biełarusi Barys Hryzłoŭ prakamientavaŭ situacyju z zakryćciom polska-biełaruskaj miažy ŭ suviazi z praviadzieńniem vučeńniaŭ «Zachad-2025», paviedamlaje BiełTA.
Barys Hryzłoŭ. Fota: Contributor/Getty Images
«Što tyčycca zakryćcia Polščaj punktaŭ propusku na miažy ź Biełaruśsiu, to heta asablivy palityčny krok. Jon ničym nie matyvavany z punktu hledžańnia harantavańnia biaśpieki. Pry hetym ekanamičnyja nastupstvy zakryćcia miažy całkam realnyja i adčuvalnyja, pakolki značnaja častka tavaraŭ ź Jeŭrazii i, u pryvatnaści z Kitaja, idzie ŭ Jeŭropu mienavita praź Biełaruś i Polšču», — adznačyŭ Barys Hryzłoŭ.
U suviazi z hetym jon vykazaŭ upeŭnienaść, što «Varšavie jašče daviadziecca apraŭdvacca i pierad Bruselem, i pierad Piekinam, i pierad svaimi ŭłasnymi hramadzianami i biznesam».
Čytajcie taksama:
Polšča nie adkryje miažu i paśla skančeńnia vučeńniaŭ «Zachad»
Na miažy z Polščaj sabrałasia čarha z 1700 hruzavikoŭ
«Žyviom tut jak u tanku». Biełarusy z pamiežža raskazali, jak pieražyvajuć zakrytuju miažu i vučeńni