U Biełaruś pryjedzie Li Si — adzin z kiraŭnikoŭ Kamunistyčnaj partyi Kitaja, člen Pastajannaha kamiteta Palitbiuro CK KPK. Akramia taho, Li Si zajmaje pasadu sakratara Centralnaj kamisii KPK pa dyscyplinarnaj praviercy. Pra heta paviedamiła ahienctva «Sińchua».
Li Si ŭznačalić delehacyju partyi, jakaja z 17 pa 24 vieraśnia naviedaje Hrecyju i Biełaruś.
Pajezdka ŭ Hrecyju adbudziecca pa zaprašeńni partyi «Novaja demakratyja», a ŭ Biełaruś Li Si zavitaje pa zaprašeńni administracyi Alaksandra Łukašenki.
Mahčyma, nievypadkova toje, što kitajskaja delehacyja naviedaje Biełaruś paśla taho, jak ministr zamiežnych spraŭ KNR Van I 15 vieraśnia pabyvaje ŭ Polščy. Tam jon płanuje abmierkavać z polskimi ŭładami pytańnie zakrytaj miažy ź Biełaruśsiu.
Kiraŭnik MZS Polščy Radosłaŭ Sikorski zajaviŭ, što padčas sustrečy budzie zaklikać Kitaj paŭpłyvać na Rasiju, kab taja spyniła hibrydnyja ataki na Polšču. Mienavita jany stali pryčynaj taho, što tranzit kitajskich tavaraŭ u Jeŭropu praź Biełaruś byŭ spynieny, paviedamlaje Bloomberg.
Ciapier čytajuć
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary