Torba Mikałaja Statkieviča pryjechała ŭ Vilniu, a jon zastaŭsia bieź ničoha
Na torbie tak i zastałasia birka z kałonii.
52 palitviaźni na minułym tydni byli vyzvaleny ź biełaruskich turmaŭ i kałonij i prymusova vyviezieny z krainy. Adnak za miažoj apynulisia nie ŭsie — Mikałaj Statkievič admoviŭsia pakidać Biełaruś i viarnuŭsia.
Dzie jon siońnia, nie viedajuć ni jaho rodnyja, ni paplečniki. Suviazi sa Statkievičam niama. Pa infarmacyi «Našaj Nivy», palityk znachodzicca ŭ Hłybockaj kałonii.
A voś torba Mikałaja Viktaraviča z asabistymi rečami, u tym liku i lekami, pryjechała ŭ Litvu, piša «Salidarnaść».
Ciapier paplečniki bieražliva zachoŭvajuć jaje ŭ ofisie partyi «Narodnaja hramada» ŭ Vilni.
Na torbie tak i visić birka kałonii z proźviščam palityka: «Statkievič». Sam Mikałaj Viktaravič, dzie b jon ni byŭ, zastaŭsia biez asabistych rečaŭ.
Čytajcie taksama:
U Hłybockaj kałonii admovilisia kazać, dzie Statkievič
U Jeŭraparłamiencie zaklikali ŭłady Biełarusi adkazać, dzie Statkievič
Žonka Statkieviča raskazała, pra što paśpieła parazmaŭlać ź im