U Jeŭraparłamiencie zaklikali ŭłady Biełarusi adkazać, dzie Statkievič
Deputaty Jeŭraparłamienta ŭ admysłovaj zajavie zaklikali biełaruskija ŭłady raskryć miescaznachodžańnie Mikałaja Statkieviča i spynić prymusovuju departacyju palitviaźniaŭ.
Delehacyja pa suviaziach ź Biełaruśsiu ŭ Jeŭrapiejskim parłamiencie vykazała hłybokuju zakłapočanaść źniknieńniem Mikałaja Statkieviča, adnaho z najbolš viadomych lidaraŭ apazicyi i palityčnych źniavolenych u Biełarusi, havorycca ŭ zajavie
Paśla niadaŭniaha vyzvaleńnia z turmy spadara Statkieviča hvałtoŭna dastavili na miažu ź Litvoj, dzie jon admoviŭsia ad departacyi i vyrašyŭ zastacca na radzimie. Z taho času jaho miescaznachodžańnie zastajecca nieviadomym.
«Admova biełaruskich uładaŭ raskryć jaho miescaznachodžańnie i stan vyklikaje surjoznyja aściarohi, što jon znoŭ trapiŭ pad vartu. Hetaja situacyja ŭjaŭlaje saboj hvałtoŭnaje źniknieńnie — hrubaje parušeńnie mižnarodnaha prava, jak padkreślivaje Amnesty International. Delehacyja padkreślivaje, što ŭłady Biełarusi niasuć poŭnuju adkaznaść za žyćcio i biaśpieku spadara Statkieviča», — źviartajuć uvahu jeŭraparłamientaryi.
«Mikałaj Statkievič zdaŭna simvalizavaŭ mužnaść, hodnaść i rašučaść biełaruskaha naroda ŭ baraćbie za svabodu. Jaho vybar zastacca sa svaim narodam, niahledziačy na hady źniavoleńnia i katavańniaŭ, źjaŭlajecca śviedčańniem sapraŭdnaha lidarstva i achviarnaści», — havorycca ŭ zajavie.
Jeŭradeputaty zaklikali ŭłady Biełarusi:
nieadkładna raskryć miescaznachodžańnie i stan Mikałaja Statkieviča,
harantavać jaho biaśpieku i svabodu,
spynić praktyku vykarystańnia palityčnych źniavolenych u jakaści raźmiennych maniet,
i biezumoŭna vyzvalić usich, chto znachodzicca ŭ źniavoleńni za realizacyju svaich asnoŭnych pravoŭ.
«My taksama zaklikajem ułady Biełarusi pakłaści kaniec praktycy hvałtoŭnaj departacyi byłych palityčnych źniavolenych. Usim hramadzianam Biełarusi pavinna być harantavana prava svabodna žyć i pracavać u svajoj krainie. Heta patrabuje poŭnaj reabilitacyi byłych palityčnych źniavolenych, nieadkładnaha spynieńnia ich pieraśledu i styhmatyzacyi, a taksama pryniaćcia efiektyŭnych mier dla padtrymki ich reintehracyi ŭ hramadstva», — havorycca ŭ zajavie.
Źniknieńnie Statkieviča jeŭradeputaty nazyvajuć nie tolki napadam na adnaho čałavieka, ale i napadam na samu nadzieju na demakratyčnuju Biełaruś.
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy
Žonka Statkieviča raskazała, pra što paśpieła parazmaŭlać ź im
«Vyzvaleny» Statkievič znajšoŭsia ŭ kałonii Hłybokaha
«Ujaŭlaju raźjušanaść Łukašenki ad učynku Mikoły Statkieviča»
Sparyš: Statkievič pieranios infarkt
«Mikoła źnik, a zmahary jaho navat nie šukajuć». U infarmacyjnaj śpiecapieracyi biełaruskich słužbaŭ źmianilisia akcenty
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki31
Kamientary