U Polščy znajšli biełaruskija cyharety ŭ kantejniery, jaki jechaŭ z Kitaja ŭ Bielhiju
Supracoŭniki polskaj mytna-padatkovaj słužby ŭ Małaševičach kala miažy ź Biełaruśsiu znajšli kantrabandu cyharet u kantejniery, jaki jechaŭ z Kitaja ŭ Bielhiju. Padčas renthienaŭskaj pravierki adnaho z vahonaŭ ich zacikaviŭ padazrony zdymak, tamu było praviedziena detalovaje abśledavańnie.
Fota: lubelskie.kas.gov.pl
Akazałasia, što ŭ kantejniery z tavarami ź internet-kramy razam z zakonnymi pasyłkami schavali i niezakonnyja cyharety. Usiaho znajšli bolš za 23 tysiačy pačak, paznačanych biełaruskimi akcyznymi markami. Pavodle viersii polskich słužboŭcaŭ, kantejnier dapaŭniali kantrabandaj padčas pierahruzki ŭ Biełarusi.
Rynkavaja vartaść vyjaŭlenych cyharet pieravyšaje 400 tysiač złotych (kala 111 tysiač dalaraŭ). Paśla rašeńnia suda tavar budzie kanfiskavany i źniščany.
Čytajcie taksama:
U Łatvii na miažy ź Biełaruśsiu znajšli aerastaty z kantrabandaj
Na miažy ź Litvoj znajšli kantrabandu ŭ rybnych kansiervach sa Šviecyi