Anžalicy Borys dazvolili naviedać Andžeja Pačobuta ŭ navapołackaj kałonii
Kiraŭnica Sajuza palakaŭ u Biełarusi Anžalika Borys paviedamiła ŭ fejsbuku, što ad svajho ŭłasnaha imia i imia Sajuza palakaŭ napisała prośbu ab vyzvaleńni žurnalista Andreja Pačobuta na imia Łukašenki.
Andžej Pačobut
Pavodle słoŭ Anžaliki Borys, joj dali mahčymaść sustrecca z Pačobutam i jana siońnia jeździła dziela hetaha ŭ kałoniju ŭ Navapołacku.
«Andrej pieradaje sardečnaje pryvitańnie ŭsim znajomym i nieznajomym ludziam, adčuvaje siabie psichałahična dobra, leki atrymlivaje, dziakuje ŭsim za pamiać, kaža, što Hospad Boh kožnamu pakaža jahony šlach».
Taksama Pačobut, pa słovach Borys, skazaŭ, što Sajuz palakaŭ u Biełarusi isnuje nie dla kanfrantacyi, a dla zachavańnia i kłopatu pra Polšču.
Siońnia stała viadoma, što polskija ŭłady majuć namier adkryć zakrytuju z 12 vieraśnia miažu ź Biełaruśsiu ŭ noč z 24 na 25 vieraśnia. Takim čynam, urad Polščy abviaściŭ pra adkryćcio miažy paśla taho, jak Borys dali dazvoł na sustreču z Pačobutam.
Pierad hetym toj ža Borys dazvolili naviedać Pačobuta ŭ krasaviku 2024 hoda. Jana tady śćviardžała, što jon daŭ zhodu paśla vyzvaleńnia vyjechać ź Biełarusi.
Čytajcie taksama:
Polšča adkryvaje miažu ź Biełaruśsiu
Cisk Polščy daŭ vynik: na svabodu masava vyjšli žurnalisty «Biełsata». Ale pakul nie Pačobut