Miaža budzie adkryta z 25 vieraśnia.
Premjer-ministr Polščy Donald Tusk abviaściŭ ab adkryćci miažy ź Biełaruśsiu.
Adpaviednaje rasparadžeńnie siońnia vydaść Ministerstva ŭnutranych spraŭ i administracyi krainy. Miaža budzie adkryta z 25 vieraśnia.
«Chacieŭ paviedamić ab pryniaćci rašeńnia, razam z kiraŭnikom Ministerstva ŭnutranych spraŭ i administracyi, jaki siońnia, praz momant, vydaść adpaviednaje rasparadžeńnie, ab paŭtornym adkryćci pahraničnych pierachodaŭ, čyhunačnych i aŭtamabilnych. Tych, što byli začynienyja ŭ suviazi z manieŭrami «Zachad» i, što zrazumieła, z rostam pahrozy i palityčnaj niestabilnaści, jak faktyčnaj, tak i vakoł našych miežaŭ, u našym rehijonie. Jak viedajecie, vučeńni «Zachad» zaviaršylisia, adnačasova na terytoryi Respubliki Polšča adbyvalisia ŭ vialikim maštabie sajuźnickija vučeńni, my prysutničali na hetych vučeńniach razam ź ministram nacyjanalnaj abarony», — zajaviŭ premjer Donald Tusk padčas pasiadžeńnia ŭrada.
Premjer-ministr Donald Tusk abviaściŭ ab paŭtornym adkryćci pahraničnych pierachodaŭ: i čyhunačnych i aŭtamabilnych!
Miaža była zakryta z 12 vieraśnia, kali pačalisia sumiesnyja biełaruska-rasijskija vučeńni, i rasparadžeńnie nie było admieniena ź ich zakančeńniem 16 vieraśnia.
Paźniej stała viadoma, što lidarka palakaŭ Biełarusi, byłaja palitźniavolenaja Anžalika Borys siońnia atrymała dazvoł na sustreču z palitźniavolenym polskim aktyvistam Andrejem Pačobutam i naviedała jaho ŭ navapołackaj kałonii.
Vyzvaleńnie Pačobuta i spynieńnie represij suprać biełaruskich palakaŭ było častkaj patrabavańniaŭ Varšavy da Minska.
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary