Cichanoŭskaja pra muža: Uvieś jahony śviet pierakuleny

U intervju vydańniu Politico, dadzienym padčas udziełu ŭ pracy Hienieralnaj Asamblei AAN, Śviatłanie Cichanoŭskaj zadali pytańnie i pra jaje muža Siarhieja, ź jakim u tym ža Ńju-Jorku ŭ jaje adbyŭsia publičny kanflikt u žyvym efiry. Jak skazała Cichanoŭskaja, Siarhiej «apynuŭsia ŭ 2025 hodzie, ale psichałahična zastavaŭsia ŭ 2020-m».

Siarhiej Cichanoŭski i Śviatłana Cichanoŭskaja 27 červienia 2025 hoda. Fota: Getty Images

Prystasavańnie da novaj rečaisnaści, adznačyła Cichanoŭskaja, dajecca jaje mužu niaprosta.

«Jamu, mahčyma, krychu składana ciapier bačyć mianie ŭ hetaj novaj roli, — skazała jana. — Uvieś jahony śviet pierakuleny. Ale ja dumaju, što jon pryzvyčaicca. Jon znojdzie svajo miesca».

Sam ža Cichanoŭski, jaki taksama adkazaŭ na pytańni Politico, miarkuje, što zmoža vyznačycca, čym jamu dalej zajmacca, prykładna praz paŭhoda.

«Ciapier ja baču svaju rolu ŭ tym, kab byli vyzvalenyja ŭsie 1300 viaźniaŭ, — skazaŭ jon. — I nie prosta vyzvalenyja, a kab jany atrymali dapamohu i padtrymku».

Jon taksama, jak i Śviatłana Cichanoŭskaja, ličyć, što prymirenčaja rytoryka Trampa ŭ dačynieńni da Łukašenki maje sens:

«Biełarusam niepryjemna čuć, jak Tramp razmaŭlaje z Łukašenkam, — skazaŭ jon. — Ale biełarusy razumnyja i darosłyja. Jany nie kryŭdujuć. Jany razumiejuć: kali b hetych razmoŭ nie było, pytańnia pra vyzvaleńnie 1300 palitviaźniaŭ prosta nie ŭźnikała b».

Kamientary da artykuła