Julija Mickievič pra Cichanoŭskaha: Turma nikoha nie robić lepšym, tolki horšym
Pavodziny Siarhieja Cichanoŭskaha na sustrečy ŭ Ńju-Jorku abmierkavali 27 vieraśnia ŭ efiry «Ranicy ź Biełsatam». Hościem studyi stała Julija Mickievič, namieśnica pradstaŭnicy pa sacyjalnaj palitycy Abjadnanaha Pierachodnaha Kabinieta.
U Mickievič spytali, što stajała za pavodzinami Siarhieja Cichanoŭskaha, kali jon publična nacisnuŭ na žonku, kab taja zastałasia ź im na sustrečy z dyjasparaj i admoviłasia ad intervju CNN.
«Voś vy zhadali słova «emacyjanalnyja pavodziny». Ja budu tut krychu bolš rezkaj, i ja skažu, što z majho boku toje, što ja nazirała, što my ŭsie bačyli, heta było vielmi biezapielacyjnaje i chamskaje parušeńnie miežaŭ Śviatłany — asabistych i prafiesijnych — z vykarystańniem manipulacyj, emacyjnaha šantažu. I ŭ hetym jość peŭnyja paterny pavodzin, tamu što kali my ŭspomnim peŭnyja momanty, jakija my nazirali (u tym liku, i ŭ dvaccatym hodzie, jašče da taho, jak Siarhieja aryštavali i pasadzili) — heta było vielmi padobna. Turma nikoha nie robić lepšym, tolki horšym», — reziumavała namieśnica ministarki APK.
Masavyja palityčnyja represii ŭ Biełarusi praciahvajucca z 2020 hoda. Tady, miarkujučy pa pratakołach učastkovych vybarčych kamisij, Alaksandr Łukašenka prajhravaŭ Śviatłanie Cichanoŭskaj, ale nie addaŭ ułady.
Pa słovach namieśnika načalnika Hałoŭnaha ŭpraŭleńnia pracesualnaha kantrolu Śledčaha kamiteta Alaksandra Žukava, było zafiksavana bolš za 22 500 «złačynstvaŭ ekstremisckaj skiravanaści», heta značyć, palityčnaha charaktaru. Pa mnohich z hetych kryminalnych spravaŭ prachodziać šmatlikija fihuranty.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
«Nierazumieńnie taho, što nie jon, a Śviatłana ciapier centralnaja fihura. Na škodu hramadskim intaresam»
«U nas intervju CNN nie pad ženščynu». Jak biełarusy kamientujuć u sacsietkach kanflikt Cichanoŭskich
Cichanoŭski patłumačyŭ, čamu jon tak pavodziŭ siabie ŭ Ńju-Jorku
Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku
Ciapier čytajuć
Zahinuŭ biełaruski dobraachvotnik Alaksiej Łazaraŭ10
Kamientary
Tak, na "levackaj" movie možna heta i tak nazvać, ale ž hałoŭnaje, što daskanały i mocny palityk Śvietłana, nie zdiužyła svai miežy abaranić, bolej za to, navat jaje kamanda nie zdoleła hetaha zrabić.