U Baranavičach ludzi haniajucca za tannymi johurtami, ale nie ŭsim ščaścić ich zdabyć

U Baranavičach uźnik ažyjataž vakoł tannych johurtaŭ, jakija miascovyja nazyvajuć «pierachodami», piša vydańnie BGMedia.

Fota ilustracyjnaje

«Pierachody» — heta pradukcyja fabryki «Savuškaŭ pradukt», jakaja vyrablajecca padčas źmieny adnoj fruktovaj dabaŭki na inšuju — naprykład, «kłubnica-malina» abo «hruša-banan». Takija johurty i tvarahi nie pastupajuć u zvyčajnyja kramy i pradajucca značna tańniej, adnak pa jakaści i śviežaści jany nie sastupajuć standartnaj pradukcyi.

Raniej «pierachody» možna było kupić u kramie «Vieras» na vulicy Kamsamolskaj pa canie 46—64 kapiejki, ale kramu zakryli, vyklikaŭšy niezadavolenaść žycharoŭ. Dyrektar vytvorčaha filijała «Savuškaŭ pradukt» u Baranavičach Viktar Rakuć patłumačyŭ, što zakryćcio źviazana ź nizkaj prybytkovaściu kramy, a srodki pieranakiravali na budaŭnictva novaj stałovaj i bufieta na terytoryi samoha pradpryjemstva, dzie taksama pradajucca «pierachody».

@alex_belarus_12 «Pieriechody za 46 kopiejek». Hdie siehodnia prodajut popularnyje produkty zakrytoho «Vierasa»? P.S. «Pieriechody» v tieple nie stojali - ich zakazali i srazu kupili. Vidieo śniato v oznakomitielnych cielach v obŝiestviennom miestie. Jeśli vy uznali siebia i u vas jesť prietienzii — napišitie v ŁS, i my riešim etot vopros. #baranoviči #biełaruś #savuškinprodukt #mahazin #prodaža ♬ orihinalnyj zvuk - Alex_Belarus

Ciapier ludzi štodnia chodziać u bufiet «Savuškavaha» na vulicy 50 hadoŭ BSSR, ale partyi johurtaŭ abmiežavanyja, i ich źjaŭleńnie niepradkazalnaje. Žycharam rajać prychodzić rana, bo paśla 11‑j hadziny pradukcyja ŭžo raskuplena, a rabotniki pradpryjemstva absłuhoŭvajucca ŭ pryjarytetnym paradku. Taksama vyklikaje niezadavolenaść dziejnaść pierakupščykaŭ, jakija skuplajuć johurty vialikimi partyjami.

Kamientary da artykuła