Vidać, pryčyna ŭ ažyjatažnym popycie siarod prychilnikaŭ pravilnaha charčavańnia.
U sacyjalnaj sietcy Threads karystalniki skardziacca, što daŭno nie bačyli ŭ prodažy adzin z papularnych miakkich tvaražkoŭ ad «Savuškaŭ» z utrymańniem tłušču 0,1%.
U kampanii «Savuškaŭ» karespandentu Onlíner paćvierdzili, što na pačatku 2025 hoda ŭ pastaŭkach miakkaha tvarahu 0,1% tłustaści pieryjadyčna ŭźnikali pieraboi.
«Heta było źviazana z rekanstrukcyjaj i płanavym pašyreńniem vytvorčaści. Pačynajučy z sakavika, situacyja stabilizavałasia: vytvorčaść i pastaŭki hetaha tvarahu na rynak Respubliki Biełaruś ažyćciaŭlajucca ŭ poŭnym abjomie pavodle zajavak handlovych arhanizacyj.
Bolš za toje, u stratehičnych płanach kampanii — madernizacyja vytvorčych linij: pry ŭmovie rostu popytu na pradukt heta dazvolić pastupova pavialičvać abjomy jaho vytvorčaści».
Taksama vytvorca adznačyŭ, što hetym praduktam asabliva cikaviacca prychilniki pravilnaha charčavańnia, jakija nabyvajuć jaho adrazu ŭ vialikaj kolkaści. Tamu prodaž budzie ažyćciaŭlacca ŭ bankach bolšaha abjomu.
«My praanalizavali strukturu prodažaŭ, trendy spažyvieckich pavodzinaŭ i zaŭvažyli: siońnia na biełaruskim rynku siarod prychilnikaŭ pravilnaha charčavańnia skłaŭsia ažyjatažny popyt mienavita na niatłusty tvaroh u taru vialikaha abjomu. Nazirajecca tendencyja zakupak drobnym optam dla farmiravańnia tydniovaha racyjonu z pavyšanym utrymańniem białku.
Nie vyklučana, što mienavita ŭ hetym i kryjecca pryčyna «źniknieńnia» praduktu z palic: jaho raźbirajuć amal adrazu.
Tamu kampanija aptymizavała ŭpakoŭku miakkaha tvarahu «Savuškaŭ» 0,1%: na rynku Biełarusi pradukt budzie pradstaŭleny ŭ kubačkach pa 200 hramaŭ, a dla ekspartu — u maleńkich kubačkach pa 125 hramaŭ.
My raźličvajem, što heta dapamoža zbałansavać praporcyju «popyt/prapanova», bo pakupniki zmohuć adrazu nabyvać lubimy tvaroh u bolšym abjomie.
Što da ziarnistaha tvarahu «Savuškaŭ» sa śliŭkami tłustaściu 5% (u tym liku jaho desiertnych varyjacyj z fruktova-jahadnymi napaŭnialnikami), a taksama kłasičnych vidaŭ tvarahu — jany vyrablajucca i pastaŭlajucca ŭ handlovyja sietki Biełarusi bieź pierabojaŭ».
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
«Mołočnyj mir» po etoj žie pričinie priekratił proizvodstvo svojeho kiefira s bifidobaktierijami «Tvoja kružka» žirnosťju 3,9% 850 mł v tołstoj butyłkie s zielonym kołpačkom i etikietkoj, kotoryj polzovałsia povyšiennym sprosom u potriebitielej... Stoił on v poślednieje vriemia około 2 rublej, a vmiesto nieho pod druhim briendom s žirnosťju vsieho 2,5% i horazdo boleje vysokoj cienoj... Do etoho «Mołočnyj mir» priekratił na vsiech svoich proizvodstviennych płoŝadkach roźliv pastierizovannoho mołoka v pakietach s žirnosťju vyšie 3%, to jesť jeŝio po sovietskim standartam i hostam s žirnosťju 3,6% (Słonim) i 3,5% (Hrodno).
Takoho niŝienskoho suŝiestvovanija naš narod nie znał dažie pośle razvała SSSR...