Biaspłatnuju pryščepku ad virusa papiłomy čałavieka pačnuć rabić nieŭzabavie. Vakcyna ŭ Biełaruś užo pastupiła
U Biełaruś pastupiła partyja vakcyny suprać virusa papiłomy čałavieka, paviedamlaje Minzdaroŭja.
Minzdaroŭja zabiaśpiečyła pastaŭku vakcyny — Cecolin (cekalin). Heta kitajskaja rekambinantnaja bivalentnaja vakcyna, vyrablenaja z ačyščanych virusapadobnych čaścic VPČ typaŭ 16 i 18. Imunnabijałahičny preparat dastaŭleny ŭ rehijony, paviedamiła Minzdaroŭja.
U pieršaj dekadzie kastryčnika siemji, u jakich vychoŭvajucca dziaŭčynki 11 hadoŭ, buduć zaprošanyja na vakcynacyju.
Pryščepka budzie zroblena biaspłatna ŭ miedycynskich kabinietach ustanoŭ adukacyi. Pa žadańni — vakcynacyja ŭ paliklinikach.
Minzdaroŭja paćviardžaje: zrabić pryščepku mohuć usie dzieci, jakija vyznačanyja ŭ Nackalendary. Biez uvahi nie zastanucca i dziaŭčynki starejšaha ŭzrostu, baćki jakich raniej źviartalisia ŭ Minzdaroŭja abo palikliniki.
Schiema vakcynacyi — dźvie dozy zhodna ź instrukcyjaj pa ŭžyvańni. Vakcyna ŭvodzicca ŭ myšcu plača.
Raniej vakcynacyja adkładałasia z-za razryvu kantraktu ź pieršapačatkovym pastaŭščykom.
Čytajcie taksama:
Minzdaroŭja razarvała kantrakt z pastaŭščykom vakcyny suprać virusu papiłomy čałavieka