Minzdaroŭja razarvała kantrakt z pastaŭščykom vakcyny suprać virusu papiłomy čałavieka
Ministerstva achovy zdaroŭja inicyjavała razryŭ kantraktu z pastaŭščykom vakcyny suprać virusu papiłomy čałavieka (VPČ) i nakiravaŭ u MARH patrabavańnie ŭklučyć hetaha pastaŭščyka ŭ čorny śpis, paviedamlaje viedamstva ŭ svaim telehram-kanale.
Z 2025 hoda ŭ Nacyjanalny kalandar prafiłaktyčnych pryščepak uklučana vakcynacyja suprać infiekcyi, vyklikanaj VPČ. Pavodle zakanadaŭstva, Ministerstva achovy zdaroŭja arhanizavała nieabchodnyja mierapryjemstvy dla zabieśpiačeńnia pastaŭki vakcyny. Pa vynikach zakupačnaj pracedury byŭ abrany zamiežny pastaŭščyk vakcyny i vyznačany terminy pastaŭki.
«Pastaŭščyk pryniaŭ abaviazak pastavić vakcynu ŭ vyznačany termin, adnak nie vykanaŭ jaho. Uličvajučy, što biełaruskija śpiecyjalisty dahetul nie atrymali ad vytvorcy infarmacyju pra prachodžańnie zaklučnaha kantrolu jakaści, jaki paćviardžaje biaśpieku vakcyny, pryniata rašeńnie ab razryvie kantraktu i praviadzieńni novaj pracedury dziaržaŭnaj zakupki», — prainfarmavali ŭ Ministerstvie.
U najbližejšy čas budzie vyznačany novy pastaŭščyk vakcyny zhodna z pracedurami.
Ministerstva paćviardžaje, što mahčymaść zrabić pryščepku budzie ŭ ŭsich dziaciej u adpaviednaści z Nacyjanalnym kalendarom prafiłaktyčnych pryščepak — dziaŭčynki 2014 hoda naradžeńnia buduć pryščaplacca pieršačarhova. Taksama nie zastanucca pa-za ŭvahaj dziaŭčynki starejšaha ŭzrostu, čyje baćki raniej źviartalisia ŭ Ministerstva abo palikliniki dla praviadzieńnia VPČ-vakcynacyi.
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia1
Kamientary