Važyć 73 kh, i heta paśla taho, jak pataŭścieŭ u špitali. Anžalika Borys raspaviała pra sustreču ŭ turmie z Andžejem Pačobutam

U Anžaliki spytali, jak joj udałosia dabicca sustrečy z Andžejem Pačobutam u papraŭčaj kałonii ŭ Navapołacku. 

Jana kaža, što raniej źviartałasia z prośbaj da Alaksandra Łukašenki, ad imia Sajuza palakaŭ prasiła vyzvalić Andžeja i dać mahčymaść pabačycca ź im u kałonii.

— U aŭtorak mnie paviedamili, što ja maju dazvoł i pavinna a 14‑j hadzinie być u Navapołacku. My razmaŭlali bolš za paŭtary hadziny. Psichałahična Andžej adčuvaje siabie dobra, atrymlivaje taksama nieabchodnyja leki. Tydzień jon byŭ u špitali.

Pa jaje słovach, Andžej pytaŭ pra siamju, znajomych i siabroŭ. Cikaviŭsia dziejnaściu Sajuza palakaŭ.

— Ja raskazała jamu, što my viadziom navučańnie polskaj movie. Dziejnaść našaj arhanizacyi dla Andžeja — vielmi važnaja sprava. Polskaja mienšaść u Biełarusi nie zajmajecca palitykaj, my nie chočam nijakaj kanfrantacyi. Nikoli nie byli palityčnaj arhanizacyjaj

Borys paviedamiła Pačobutu, što ad imia SPB źviarnułasia da Łukašenki.

Karespandent udakładniŭ, što adkazaŭ Pačobut.

— Skazaŭ, što Boh kožnamu vyznačyć jaho šlach. Jon daviaraje svajo žyćcio Bohu. Zanadta šmat pieražyŭ, užo adsiedzieŭ bolšuju častku prysudu. Pieradaŭ, kab siamja nie chvalavałasia za jaho. Paśla sustrečy źbirajusia taksama naviedać jaho baćkoŭ. Usich vitaje i sardečna dziakuje za pamiać, — adkazała Borys.

Jana kaža, što Andžej važyć 73 kiłahramy, i heta jon pataŭścieŭ u špitali.

— Turma — nie sanatoryj. Jon nie skardzicca. Asabista ja vielmi za jaho chvalujusia. Heta maja pryvatnaja acenka. Tamu ja napisała prezidentu.

Na pytańnie, ci pačuje Łukašenka hetu prośbu, jana adkazała:

— Zaŭsiody treba mieć nadzieju. Ja spadziajusia, što prezident prysłuchajecca da prośby palakaŭ, hramadzian Biełarusi.

Jana admoviłasia kamientavać, ci źviazana toje, što joj dazvolili sustrecca z Andžejem Pačobutam, z rašeńniem premjera Donalda Tuska adnosna adkryćcia miažy ź Biełaruśsiu.

— Ja nie chacieła b śpiekulavać. Ja nie maju infarmacyi na hetuju temu. Jak staršynia Sajuza palakaŭ na Biełarusi, ja razmaŭlaju pra vyzvaleńnie Andžeja jak z polskim, tak i ź biełaruskim bokam.

Žurnalist nahadaŭ, što ŭ žniŭni minułaha hoda Borys raskazała pra svaju pieršuju sustreču z Andžejem Pačobutam u turmie, jakaja adbyłasia ŭ krasaviku 2024 h. Tady jana paviedamlała, što Andžej pahadziŭsia pakinuć Biełaruś. Što skazaŭ jon hetym razam?

— My ŭvohule nie zakranali hetuju temu. U nas było šmat inšych spraŭ dla abmierkavańnia, zanadta šmat usiaho adbyłosia.

— Niaŭžo jość šaniec, što Alaksandr Łukašenka vyzvalić Andžeja Pačobuta, dazvoliŭšy jamu zastacca ŭ Hrodnie? — spytaŭ karespandent.

— Pabačym, — adkazała Borys. 

Na pytańnie, čamu jana sama nie źjechała, Anžalika adkazała: 

— Ja nie mahła źjechać, pakinuŭšy ŭ turmie Andžeja. I što samaje hałoŭnaje, maja polskaść — nad Niomanam. Ja lublu Biełaruś. Ja na svaim miescy, źmianiajucca tolki abstaviny vakoł mianie. Kali jość choć tonkaja nitka dyjałohu, ja budu jaje vykarystoŭvać.

• 18
• 0
• 0
• 1
• 1
• 3
• 0
• 2