Pucin raskazaŭ, kolki zarablaje Rasija na prodažy ZŠA ŭranu
U 2024 hodzie Rasija zarabiła na prodažy ŭranu ŭ ZŠA kala 750 miljonaŭ dalaraŭ, zajaviŭ prezident Rasii Uładzimir Pucin na plenarnaj siesii Mižnarodnaha dyskusijnaha kłuba «Vałdaj», padkreśliŭšy, što jana praciahvaje zarablać na hetym i ciapier, prytym navat u bolšych abjomach.
Uładzimir Pucin. Fota: Ramil Sitdikov / Pool Photo via AP
Pa słovach Uładzimira Pucina, Rasija źjaŭlajecca druhim pa vieličyni pastaŭščykom ŭranu na amierykanski rynak.
«Za pieršyja paŭhoda biahučaha hoda my pradali ŭ ZŠA ŭranu bolš čym na 800 miljonaŭ dołaraŭ. Dumaju, što pa vynikach hetaha hoda heta budzie zvyš miljarda dalaraŭ. Ciapier užo prahladajecca, što ŭ 2026 hodzie budzie zvyš 800 miljonaŭ dalaraŭ.
Tamu hetaja praca praciahvajecca. Amierykancy kuplajuć naš uran, tamu što vyhadna. I pravilna robiać», — skazaŭ jon.
Taksama padčas vystupleńnia Pucin zrabiŭ kamplimient prezidentu ZŠA Donaldu Trampu, skazaŭšy, što kali b u 2022 hodzie prezidentam ZŠA byŭ by jon, to vajna Rasii i Ukrainy nie pačałasia b.
Čytajcie taksama:
Tramp u AAN: Jeŭropa kocicca ŭ piekła, a hłabalnaje paciapleńnie — najbujniejšaje machlarstva
«Čas pierakryć vientyl». ES paskaraje admovu ad rasijskaha zvadkavanaha hazu
U Trampa «chutka zakančvajecca» ciarpieńnie, jon anansavaŭ novyja sankcyi suprać Rasii