Tyktok zakryŭ dziasiatki akaŭntaŭ za ŭmiašańnie ŭ vybary ŭ Čechii
Pavodle infarmacyi vydańnia Politico, sacyjalnaja sietka TikTok vydaliła niekalki dziasiatkaŭ akaŭntaŭ, jakija padazrajucca ŭ raspaŭsiudžańni kramloŭskaj prapahandy padčas parłamienckich vybaraŭ u Čechii, što pačalisia 3 kastryčnika.
Fota ilustracyjnaje
Daśledčyki z prajektu Online Risk Labs vyjavili amal 300 akaŭntaŭ z aŭdytoryjaj da 9 miljonaŭ prahladaŭ na tydzień. Ich kantent prasłaŭlaŭ Uładzimira Pucina, apraŭdvaŭ rasijskuju ahresiju va Ukrainie i demanstravaŭ «moc» rasijskaj armii. Častka fejkavych staronak maskiravałasia pad češskich palitykaŭ.
TikTok paviedamiŭ, što 98,5% zabaronienaha kantentu było prybrana jašče da šyrokaha raspaŭsiudžańnia infarmacyi, a taksama likvidavana 46 akaŭntaŭ, jakija vydavali siabie za aficyjnych asobaŭ.
U Čechii TikTok maje kala 2,5 miljonaŭ karystalnikaŭ. U parłamienckich vybarach mohuć udzielničać bolš za 8 miljonaŭ hramadzian.
Vybary ŭ Čechii prachodziać 3—4 kastryčnika. Zhodna z apytańniami, najbolšaj padtrymkaj karystajecca partyja ANO miljardera i byłoha premjer-ministra Andreja Babiša (kala 29%), na druhim miescy — kaalicyja premjera Piatra Fijały «Razam» (20,5%), treciaje miesca zajmaje krajnie pravaja partyja «Svaboda i pramaja demakratyja» Tomia Akamury z 13%.